У Літве затрымалі трох чалавек, якія прыехалі ў лесе забіраць кантрабандныя цыгарэты з Беларусі
У Алітускім раёне Літвы памежнікі перахапілі буйную партыю цыгарэт, дастаўленую з Беларусі метэазондамі, і затрымалі трох чалавек, якія прыехалі забраць груз.
У панядзелак вечарам супрацоўнікі Службы аховы дзяржаўнай граніцы Літвы выявілі вялікі мяшок з кантрабандай і зладзілі засаду.
Праз дзве гадзіны па груз прыехаў мікрааўтобус з трыма жыхарамі Алітуса. Затрыманым — 24, 35 і 38 гадоў. Адзін з іх быў нядаўна дэпартаваны з Ірландыі і не мае сталага месца жыхарства.
У мяшку знайшлі 24 кардонныя скрыні (12 тысяч пачкаў) цыгарэт «NZ Gold» і «Minsk Superslims» Гродзенскай табачнай фабрыкі «Нёман». Агульны кошт кантрабанды разам з падаткамі складае больш за 65,5 тысяч еўра.
Распачата крымінальная справа за кантрабанду і незаконны абарот акцызных тавараў.
Двух затрыманых пасля допыту адпусцілі пад падпіску, а трэцяга суд узяў пад варту на тры месяцы.
Вінаватым пагражае штраф або пазбаўленне волі на тэрмін да 8 гадоў.
Цяпер чытаюць
Памятаеце пару студэнткі і выкладчыка духоўнага вучылішча, які старэйшы за яе на 31 год? Яны разбегліся32
Памятаеце пару студэнткі і выкладчыка духоўнага вучылішча, які старэйшы за яе на 31 год? Яны разбегліся
Электронную «Беларускую энцыклапедыю», створаную як прастору «верагодных ведаў пра Беларусь», ціха ліквідавалі разам з рэдакцыяй. Купу артыкулаў перадалі Гігіну77
Каментары