Італьянскі горад забараніў ровары, пасля таго, як там збілі на ім мэра
Што праўда, у цэнтры Кома.
У італьянскім горадзе Кома, размешчаным на аднайменным возеры, неяк кіроўца электраровара збіў мэра. Пасля гэтага Алесандра Рапінезе назваў гэты від транспарту небяспечным «монстрам» і забараніў усе ровары ў цэнтры горада — пад падставай абароны грамадзян, піша Bild.
«Вядома, мой досвед паўплываў на мяне. Людзі дзейнічаюць зыходзячы са сваіх перажыванняў — і я на ўласным досведзе ведаю, што значыць быць збітым такім монстрам», — заявіў мэр.
Паколькі закон не адрознівае звычайныя ровары ад электраровараў, забарона распаўсюджваецца на абодва віды.
Цяпер праз цэнтр горада з роварамі давядзецца перамяшчацца, злезшы з іх.
У 2022 годзе Рапінезе таксама забараніў пракат электрасамакатаў. Мэр лічыць, што гэта было правільнае рашэнне. Аднак частка жыхароў з гэтым не згодная, асабліва з новай забаронай.
Напрыклад, Вінчэнца Фаланга, старшыня культурнага аб’яднання Nova Como, рэзка крытыкуе яго ў газеце La Stampa: «Адміністрацыя ператварае індывідуальныя праблемы ў калектыўныя».
Nova Como плануе пратэставы велапрабег у верасні — адразу пасля таго, як забарона ўступіць у сілу.
Цяпер чытаюць
Што цяпер з італьянскімі візамі? Масавыя адмовы? Турфірмы называюць альтэрнатыву6
Што цяпер з італьянскімі візамі? Масавыя адмовы? Турфірмы называюць альтэрнатыву
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары