Следчы камітэт паведаміў пра завядзенне спецвытворчасці ў дачыненні да Вячаслава Касінерава і Марыны Касінеравай — стваральнікаў праваабарончай ініцыятывы Dissidentby.
Вячаслава Касінерава абвінавачваюць у «стварэнні экстрэмісцкага фармавання», «распальванні сацыяльнай варожасці», «распаўсюдзе хлуслівых звестак» пра Беларусь, «публічнай абразе прэзідэнта Беларусі» і «садзейнічанні экстрэмісцкай дзейнасці».
Марыну Касінераву абвінавачваюць у «стварэнні экстрэмісцкага фармавання», «паўторным стварэнні экстрэмісцкага фармавання», «распальванні сацыяльнай варожасці», «распаўсюдзе заведама хлуслівых звестак» пра Беларусь, «публічнай абразе прэзідэнта Беларусі», «садзейнічанні экстрэмісцкай дзейнасці» і «паўторным садзейнічанні экстрэмісцкай дзейнасці».
Прадстаўнікі беларускага анархісцкага руху, сужонцы Марына і Вячаслаў Касінеравы, — адны з заснавальнікаў ініцыятывы Dissidentby, якая дапамагае палітвязням і іншым людзям, рэпрэсаваным у Беларусі. Ініцыятыва асабліва засяроджваецца на дапамозе тым, каго па розных прычынах праваабаронцы не прызналі палітычнымі зняволенымі.
Таксама Следчы камітэт паведаміў пра пачатак спецыяльнай вытворчасці ў дачыненні да яшчэ аднаго беларуса — Яўгена Разумко.
Яму інкрымінуюць удзел у масавых беспарадках з непасрэдным ужываннем гвалту, а таксама замах на забойства супрацоўнікаў органаў унутраных спраў у сувязі з выкананнем імі абавязкаў па ахове грамадскага парадку.
Цяпер чытаюць
Соф'я Сапега: Пратасевіч нагаварыў на мяне цэлы том крымінальнай справы36
Соф'я Сапега: Пратасевіч нагаварыў на мяне цэлы том крымінальнай справы
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары