Новы генеральны план Віцебска зацверджаны пастановай Савета Міністраў ад 21 жніўня 2026 года, апублікаванай на Нацыянальным прававым партале.
План разлічаны на два этапы — да 2030 і да 2035 года. Паводле дакумента, насельніцтва горада плануецца павялічыць з цяперашніх 362,95 тысячы да 374 тысяч чалавек на першым этапе і да 380 тысяч — на другім.
Таксама прадугледжваецца пашырэнне жылой забудовы, павелічэнне жыллёвага фонду, вулічнай сеткі і працягласці маршрутаў грамадскага транспарту. Колькасць мастоў, пуцеправодаў і шматузроўневых развязак павінна вырасці з 33 да 39.
Сярод асноўных праектаў — будаўніцтва новага моста ў працяг вуліцы Чэхава ў раёне Паўночнага моста. Разглядаюцца два варыянты: з захаваннем музея Міная Шмырова і аднабаковым рухам альбо з пераносам музея і двухбаковым рухам.
Генплан таксама прадугледжвае аднаўленне комплексу былога касцёла і езуіцкага калегіума, у тым ліку Мікалаеўскага сабора, а таксама касцёла Святога Антонія.
Для аўтамабільнага транспарту плануецца пабудаваць паўночна-ўсходні ўчастак аб’язной дарогі, а для чыгункі зарэзерваваць тэрыторыю пад паўднёва-заходні чыгуначны абыход.
Побач з Віцебскам таксама прапануецца стварыць новыя могілкі для традыцыйных і урнавых пахаванняў, а ў перспектыве — пабудаваць крэматорый.
Для рэалізацыі генплана спатрэбіцца выключыць з сельскагаспадарчага абароту каля 328 га зямлі, з іх 316,6 га належаць ААТ «Віцебская бройлерная птушкафабрыка».
Зацвердзілі генеральныя планы Віцебска, Гомеля і Магілёва
Наколькі больш помнікаў архітэктуры ахоўваецца ў Польшчы і Літве ў параўнанні з Беларуссю. Жахлівыя лічбы
У Полацку пасля рэканструкцыі адкрылі мост цераз раку Палату
Атамныя мары Савецкай Беларусі: Браслаў, Віцебск, Лукомль ці Палессе? Чаму на Беларусі так і не з’явілася маштабная сетка АЭС
Каментары