Спецпасланнікі прэзідэнта ЗША Дональда Трампа Стывен Уіткаф і Джарэд Кушнер могуць у найбліжэйшыя выхадныя наведаць Маскву і Кіеў, каб працягнуць перамовы аб спыненні вайны Расіі супраць Украіны.
Паводле інфармацыі расійскага дзяржаўнага агенцтва ТАСС, Уіткаф і Кушнер плануюць прыехаць у Маскву ў суботу, 5 верасня, а ў нядзелю, 6 верасня, адправіцца ў Кіеў. Пра магчымы візіт таксама паведаміў дэпутат Вярхоўнай Рады Украіны Аляксей Ганчарэнка.
Аднак паездка амерыканскіх прадстаўнікоў у Кіеў пакуль не пацверджаная. Выданне Kyiv Independent са спасылкай на сваю крыніцу паведаміла, што Уіткаф нібыта пачаў асцерагацца візіту з-за расійскіх абстрэлаў украінскай сталіцы. Разглядаюцца і іншыя варыянты правядзення сустрэчы.
Раней Уладзімір Зяленскі казаў, што прадстаўнікі Трампа пацвердзілі магчымасць свайго прыезду ва Украіну.
У апошнія дні Расія працягвае атакаваць Кіеў і Кіеўскую вобласць ракетамі і рэактыўнымі беспілотнікамі. У выніку абстрэлаў ёсць загінулыя і параненыя, наносяцца пашкоджанні жылым дамам і цывільнай інфраструктуры.
Раніцай 4 верасня ўкраінскія СМІ паведамілі пра ўдар расійскага беспілотніка па аэрадроме «Жуляны» пад Кіевам. Акрамя таго, у Браварах пасля расійскай атакі загарэлася тэрыторыя прамысловага прадпрыемства, а горад накрыў дым.
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?19
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары
Українці не бачать ніякої користі від цих потаємних подорожей боягузів.