У Мінску затрымалі дырэктара мэблевай кампаніі, якая працавала на рынку 15 гадоў. Вінавацяць у стварэнні піраміды
У міліцыю звярнуліся грамадзяне, якія заказалі кухонныя гарнітуры ў сталічнай кампаніі і ўнеслі перадаплату. Аднак у абумоўленыя тэрміны яны так і не атрымалі свае заказы, паведамляе прэс-служба МУС.
Як паведамляецца, гэта кампанія каля 15 гадоў паспяхова працавала на мэблевым рынку. Аднак з канца мінулага года ў прадпрыемства пачаліся фінансавыя і вытворчыя праблемы. Нягледзячы на гэта, кіраўнік працягваў прымаць новыя заказы, нават калі кампанія ўжо не паспявала выконваць ранейшыя, а частка абсталявання выйшла са строю.
Як мяркуе следства, утвораныя даўгі дырэктар спрабаваў пакрываць за кошт грошай новых кліентаў, выкарыстоўваючы схему, падобную да фінансавай піраміды.
Агульная сума шкоды, нанесенай пацярпелым, на гэты момант перавышае 1 мільён рублёў.
Следчыя распачалі крымінальную справу, кіраўніка кампаніі затрымалі. Супрацоўнікі крымінальнага вышуку працягваюць праверку ўсіх зваротаў.
Мяркуючы па кадрах з відэа МУС і абмеркаваннях у сацыяльных сетках, гаворка ідзе пра кампанію «Кухні Чэры», піша выданне Office Life. На яе старонцы ў Instagram цяпер пазначана, што з 1 верасня фірма знаходзіцца ў стадыі ліквідацыі. Ліквідатарам прызначана ТАА «Ліксалт».
Прадстаўнікі кампаніі таксама апублікавалі паведамленне, у якім заявілі, што «эпоха «Чэры» скончылася», і папрасілі прабачэння ў кліентаў.
Паводле іх слоў, супрацоўнікі кампаніі на працягу многіх месяцаў не атрымлівалі заробкаў, але працягвалі працаваць, выконваць абавязацельствы перад кліентамі і спадзявацца, што сітуацыю яшчэ можна будзе выправіць. Цяпер самі работнікі таксама аказаліся сярод пацярпелых.
У сацыяльных сетках паведамляюць, што праблемы маглі закрануць больш за сотню кліентаў кампаніі.
Заплацілі 8000 даляраў за пуцёўку — і атрымалі кашмар. Як беларусы з'ездзілі ў Турцыю ў пяцізоркавы гатэль
У Мінску спынілі дзейнасць фінансавай піраміды, якая існавала чатыры гады
У Мінску затрымалі арганізатара фінансавай піраміды, які за два гады ўзбіўся на 750 тысяч даляраў
Купля кватэры праз кааператыў замест іпатэкі: як працуе сістэма, падобная да піраміды, і што кажуць удзельнікі і эксперт
Цяпер чытаюць
Памятаеце мінчука, які ў 2017‑м выратаваў сцяг з-пад ног амапаўцаў — коштам сваёй свабоды? Цяпер яму, былому палітвязню, патрэбная дапамога7
Памятаеце мінчука, які ў 2017‑м выратаваў сцяг з-пад ног амапаўцаў — коштам сваёй свабоды? Цяпер яму, былому палітвязню, патрэбная дапамога
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5050
Каментары