Лукашэнка: Каб і хацелі пастаўляць калій на Захад, то няма чаго
Лукашэнка 21 верасня прыняў з дакладам старшыню Дзяржаўнага мытнага камітэта Уладзіміра Арлоўскага. Падчас размовы ён закрануў сярод іншага і перспектывы паставак беларускіх угнаенняў на заходнія рынкі.
Лукашэнка пацікавіўся ў Арлоўскага, як адбываецца пераарыентацыя таварапатокаў на ўсход ва ўмовах эканамічных абмежаванняў з боку Еўрасаюза і іншых заходніх краін. Паводле інфармацыі, якую Лукашэнку перадаюць урад і прэм’ер-міністр, Беларусі ў цэлым удалося перанакіраваць гандлёвыя патокі на ўсход.
Адным з прыкладаў гэтага Лукашэнка назваў перамовы з амерыканскім бокам. Раней ён паведамляў пра пастаўкі беларускіх калійных угнаенняў у ЗША. Аднак, маўляў, вялікія аб’ёмы прадукцыі паставіць немагчыма, паколькі ўсе ўгнаенні на гэты год ужо закантрактаваныя. Лукашэнка падкрэсліў, што нават пры жаданні выйсці на іншыя заходнія рынкі свабодных аб’ёмаў прадукцыі нібыта няма.
Раней Лукашэнка ўжо гаварыў падобнае на палігоне пад Баранавічамі перад візітам у Мінск спецыяльнага прадстаўніка прэзідэнта ЗША Джона Коўла. Але выглядае, што асноўнай перашкодай для буйных паставак беларускіх калійных угнаенняў у ЗША з'яўляецца ўсё ж такі адмова краін Еўрасаюза, нягледзячы на ціск з боку амерыканцаў, адкрыць магчымасць для іх транзіту праз парты краін Балтыі. Верагодна, менавіта гэта пытанне было цэнтральным у перамовах Коўла з кіраўніцтвам Літвы і Латвіі ўжо пасля візіту ў Мінск.
Лукашэнка заявіў, што Беларусь прадае калій у ЗША
Ці пусціць Латвія беларускі калій? Даведаліся, што пачуў Коўл у Рызе
МЗС Латвіі пасля сустрэчы з Коўлам: Санкцыі супраць Беларусі павінны захоўвацца
«Назаву хоць зайцамі». Джон Коўл патлумачыў, што трэба зрабіць, каб вызваліць новых палітвязняў
Пасля Літвы Джон Коўл наведаў і Латвію
Джон Коўл пасля вяртання з Мінска сустрэўся з кіраўнікамі Літвы
Цяпер чытаюць
У Мінску масажыст Андрэй таемна здымаў голых кліентак5
Каментары
Энн Хэтэуэй, калі ты на мяне маеш нейкія там эратычна-рамантычныя пляны, дык надта там на мяне не разьлічвай. От так.