Маладую мінчанку спрабавалі спыніць маці і касіры банка, але яна ўсё роўна аддала грошы махлярам
У міліцыю звярнулася маці 23‑гадовай дзяўчыны. Яна паведаміла, што дачка забрала з кватэры буйную суму грошай і з’ехала з дому, адмаўляючы, што знаходзіцца пад уплывам тэлефонных махляроў.
Сама дзяўчына паведаміла міліцыянерам, што была напалоханая і думала, што выконвае патрабаванні супрацоўнікаў Камітэта дзяржаўнага кантролю, а калі адмовіцца — супраць яе будзе заведзена крымінальная справа, паведамляе «Міліцыя Мінска».
Спачатку мінчанка ўзяла дома зберажэнні маці і зняла грошы са сваёй карткі, склала іх у пакет і пакінула ў схованцы за горадам. Пасля гэтага яна тройчы забірала наяўныя грошы ў незнаёмых людзей і таксама вывозіла іх за горад.
Акрамя таго, дзяўчына аформіла на сябе крэдыт і спецыяльна схлусіла касіру, што робіць гэта па ўласнай волі. Атрыманыя наяўныя грошы яна таксама перадала махлярам.
Усяго яе сям’я страціла каля 20 тысяч рублёў, агульная сума шкоды ўстанаўліваецца. Па ўсіх фактах праводзяцца праверкі.
У міліцыі нагадваюць, што сапраўдныя супрацоўнікі міліцыі не паведамляюць па тэлефоне пра завядзенне крымінальнай справы і не патрабуюць пакідаць грошы ў схованках або перадаваць іх каму-небудзь. Атрымаўшы такі званок, варта ператэлефанаваць у міліцыю па нумары 102 або асабіста звярнуцца ў найбліжэйшы аддзел міліцыі.
Цяпер чытаюць
Статкевіч апублікаваў фоты іх новага з Марынай Адамовіч дома3
Статкевіч апублікаваў фоты іх новага з Марынай Адамовіч дома
Беларус-вахтавік на Ямале стварае песні на беларускай мове з дапамогай ШІ. «Раней музыка была закрытым клубам. Нейрасеткі адчынілі гэтыя дзверы з нагі»1010
Каментары