У Смаргоні кампанія «Белагратэрмінал», якая ўваходзіць у міжнародную групу «Садружнасць» Аляксандра і Наталлі Луцэнкаў, уводзіць у эксплуатацыю другі алейна-экстракцыйны завод. Новы комплекс зможа перапрацоўваць да 3 тысяч тон алейных культур у суткі, піша Office Life.
Пасля запуску прадпрыемства агульныя магутнасці смаргонскага комплексу павялічацца з цяперашніх 660 тысяч да 1,72 мільёна тон сыравіны на год. Пашырэнне вытворчасці таксама павінна стварыць у рэгіёне каля 300 новых працоўных месцаў.
Завод разлічаны на перапрацоўку некалькіх відаў алейных культур. Тут будуць працаваць з рапсам, сояй, лёнам, а таксама з насеннем сланечніку, якое стала новым для беларускай прамысловай перапрацоўкі ў такім маштабе.
На прадпрыемстве ўжо пабудавалі цэхі падрыхтоўкі і экстракцыі сыравіны. Інфраструктура ўключае ўласную кацельню магутнасцю 50 тон пары на гадзіну. У якасці паліва будуць выкарыстоўваць сланечнікавую лузгу.
Акрамя таго, комплекс мае рэзервуары для захоўвання 42,4 тысячы тон раслінных алеяў, складскі тэрмінал аб'ёмам 288 тысяч кубаметраў, больш за 12 кіламетраў чыгуначных пуцей і аўтамабільны тэрмінал, здольны прымаць да 380 машын на суткі.
Асноўную частку вырабленага алею кампанія плануе экспартаваць. Што тычыцца сланечнікавага шроту, то новы завод, па словах кіраўніка «Белагратэрмінала» Паўла Цвярдоўскага, зможа забяспечваць уласнай прадукцыяй да 50% патрэб беларускага рынку. Гадавая патрэба краіны ў сланечнікавым шроце ацэньваецца прыкладна на 300 тысяч тон.
Група «Садружнасць» была заснаваная ў 1994 годзе Аляксандрам і Наталляй Луцэнкамі. Першапачаткова яны займаліся ў Беларусі гандлем кармавымі дабаўкамі, а пазней стварылі адзін з буйных холдынгаў па перапрацоўцы алейных культур. Вытворчыя актывы групы знаходзяцца ў Расіі, Беларусі, Бразіліі і Турцыі.
У 2024 годзе пасля рэструктурызацыі бізнэсу расійскія і беларускія актывы былі аб'яднаныя ў кампанію «Садружнасць Рус». Паводле вынікаў 2024/25 фінансавага года, яе выручка склала 2,8 мільярда даляраў, а чысты прыбытак — 30 мільёнаў даляраў.
Кітай імпартаваў беларускіх тавараў на $1,44 мільярда. Што туды ідзе?
Беларусь стала галоўным экспарцёрам рапсавага алею ў Ізраіль
Рапсавы алей цяпер павінен прадавацца ва ўсіх крамах
У Чавусах пабудуюць завод, якога ў Беларусі дагэтуль не было
На расійскіх таварах беларускую мову можна сустрэць ці не часцей, чым на беларускіх. Чаму так?
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім14
Каментары