Сіноптык Дзмітрый Рабаў расказаў у эфіры АНТ пра надвор'е ў Беларусі на тыдні з 5 па 11 кастрычніка. Паводле яго слоў, восень у гэты час паступова будзе браць верх, а перыяд камфортнага надвор'я пачне змяняцца больш няўстойлівым.
Часцей будуць праходзіць атмасферныя франты, якія прынясуць дажджы і парывісты вецер. Аднак моцнага пахаладання пакуль не чакаецца: сярэдняя тэмпература будзе на 1—4 градусы вышэйшая за кліматычную норму.
У панядзелак, 5 кастрычніка, малаактыўны атмасферны фронт прынясе месцамі невялікія кароткачасовыя дажджы і туманы. Ноччу будзе ад +4 градусаў на поўдні да +11 на поўначы, днём — ад +17 у Віцебскай вобласці да +21 градуса на паўднёвым захадзе і поўдні краіны.
У аўторак, 6 кастрычніка, чакаецца воблачна з праясненнямі і пераважна без ападкаў. Невялікія дажджы магчымыя толькі на крайняй поўначы. Ноччу будзе ад +5 да +10 градусаў, днём — ад +15 у Віцебскай вобласці да +20 у Брэсцкай.
У сераду, 7 кастрычніка, надвор'е будзе вызначаць паўночная перыферыя антыцыклону з цэнтрам над поўднем Еўропы. Будзе пераменная воблачнасць, у большасці раёнаў без ападкаў. Невялікія дажджы магчымыя ў Віцебскай вобласці, месцамі туман. Ноччу тэмпература складзе +5…+10, днём — ад +15 на паўночным захадзе да +20 градусаў на поўдні Гомельскай і Брэсцкай абласцей.
У чацвер, 8 кастрычніка, захаваецца воблачнае з праясненнямі надвор'е, істотных ападкаў не чакаецца. Магчымы туман. Ноччу будзе +6…+12 градусаў, днём — ад +18 на паўночным захадзе да +21 на поўдні.
У пятніцу, 9 кастрычніка, атмасферны фронт прынясе дажджы ў заходнюю частку краіны. На астатняй тэрыторыі ападкаў не прагназуецца. Ноччу будзе +5…+10 градусаў. Днём тэмпература будзе вагацца ад +10 на захадзе Гродзенскай вобласці да +20 градусаў на ўсходзе.
У суботу, 10 кастрычніка, Беларусь апынецца пад уплывам вільготных атмасферных франтоў з Заходняй Еўропы. Будзе воблачна з праясненнямі, у большасці раёнаў пройдуць кароткачасовыя дажджы, магчымы туман. Ноччу будзе +5…+10 градусаў, днём — ад +10 на поўначы да +15 на поўдні.
У нядзелю, 11 кастрычніка, істотных зменаў не чакаецца. Захаваецца ўплыў атмасферных франтоў і вільготных паветраных мас, будзе воблачна з праясненнямі, высокая верагоднасць дажджоў і туманаў. Ноччу тэмпература складзе +4…+9 градусаў, днём — ад +8 у Віцебскай вобласці да +15 градусаў у Гомельскай.
Каментары