Сіноптык Дзмітрый Рабаў расказаў, якое надвор’е чакае Беларусь з 12 да 18 кастрычніка пад уплывам цыклону з Балтыйскага мора.
З ягоных слоў, з пачатку другой дэкады кастрычніка ў краіне пачасціліся цыклоны, якія прыносяць парывісты вецер і дробныя дажджы. Праз высокую вільготнасць надвор’е будзе адчувацца даволі золкім.
У панядзелак, 12 кастрычніка, на надвор’е паўплывае цыклон з цэнтрам над Балтыйскім морам і яго атмасферныя франты. Чакаюцца кароткачасовыя дажджы і туманы. Уначы будзе ад +4 градусаў на поўначы да +11 на поўдні, удзень — ад +11 на паўночным захадзе да +17 на паўднёвым усходзе краіны.
У аўторак, 13 кастрычніка, будзе воблачна з праясненнямі, месцамі магчымыя дажджы. Уначы тэмпература складзе ад +3 да +8 градусаў, удзень — ад +12 на Віцебшчыне да +16 на поўдні Брэсцкай і Гомельскай абласцей.
У сераду, 14 кастрычніка, Беларусь апынецца на ўскраіне антыцыклону з цэнтрам над паўднёвым захадам Еўропы. Істотных ападкаў не чакаецца, аднак вільготнасць паветра дасягне 90%. Уначы і раніцай магчымыя густыя туманы. Тэмпература ўначы будзе ад +3 да +7 градусаў, удзень — ад +9 на паўночным захадзе да +14 на поўдні Гомельскай вобласці.
Папярэдне, у другой палове працоўнага тыдня надвор’е будзе вызначаць вобласць высокага атмасфернага ціску.
У чацвер, 15 кастрычніка, чакаецца пераважна воблачнае надвор’е з праясненнямі, у асноўным без дажджоў. Уначы тэмпература панізіцца да +3…+8 градусаў, удзень будзе ад +10 у Віцебскай вобласці да +17 у Гомельскай.
У пятніцу, 16 кастрычніка, істотных ападкаў таксама не прагназуецца. Уначы і раніцай магчымыя густыя туманы, бачнасць можа знізіцца да 500 метраў. Тэмпература ўначы складзе ад +5 да +10 градусаў, удзень — ад +11 на поўначы да +16 на паўднёвым захадзе краіны.
На выхадных у Беларусь прыйдзе шырокі антыцыклон з цэнтрам над паўночнай Еўропай.
У суботу, 17 кастрычніка, будзе воблачна, без істотных ападкаў. Уначы і раніцай зноў чакаюцца туманы, тэмпература складзе ад +3 да +7 градусаў. Удзень паветра прагрэецца да +10 на поўначы Беларусі і да +16 на поўдні.
У нядзелю, 18 кастрычніка, уплыў антыцыклону захаваецца. Будзе воблачна з праясненнямі, амаль без дажджоў. Уначы і раніцай магчымыя туманы, тэмпература — ад +4 да +9 градусаў. Удзень у Віцебскай вобласці чакаецца каля +11, а ў Гомельскай і Брэсцкай — да +17 градусаў.
«Беларусь перадусім». Што вядома пра 23‑гадовага афіцэра спецназа, якога асудзілі на 19 гадоў за «здраду дзяржаве»8
Каментары