«Гэта сапраўдны квантавы скачок для мяне!» Калеснікава сыграла з сімфанічным аркестрам у Аўстрыі
Пасля больш як пяці гадоў перапынку Марыя Калеснікава выступіла як салістка з Венскім радыёсімфанічным аркестрам ORF. У аўстрыйскім Грацы яна ўдзельнічала ў сусветнай прэм’еры твора Radiophobia, прысвечанага Чарнобылю.
«Гэта сапраўдны квантавы скачок для мяне! Яшчэ год таму я не была ўпэўненая, што калі-небудзь змагу вярнуцца на сцэну ў якасці салісткі», — напісала Калеснікава ў фэйсбуку пасля канцэрта.
Выступ адбыўся 9 кастрычніка на фестывалі ORF musikprotokoll. Калеснікава грала на флейце, а разам з ёй выступіла ўкраінская спявачка, сапрана Вікторыя Вітрэнка, якую Марыя называе сваёй дарагой сяброўкай.
«Пасля больш як пяці гадоў перапынку зноў граць з сімфанічным аркестрам, адчуваць неверагодную энергію сцэны і публікі — я дагэтуль не магу паверыць, што гэта адбываецца!» — падзялілася Калеснікава.
Radiophobia: a silent requiem for Chornobyl («Радыяфобія: ціхі рэквіем па Чарнобылі») — гэта канцэрт для флейты і сапрана з аркестрам кампазітара Лявона Швіра.
З фестывалем ORF musikprotokoll Марыю звязваюць асаблівыя адносіны. Калі Марыя была ў зняволенні, арганізатары разам з Універсітэтам музыкі і выканальніцкіх мастацтваў Граца праводзілі мерапрыемствы ў яе падтрымку. На сцэну ставілі яе флейту — як знак адсутнасці самой музыканткі. У 2024 годзе Вітрэнка прысвяціла ёй сольны вечар, а цяпер яны выйшлі на сцэну разам.
«Якое шчасце вярнуцца ў свой свет музыкі, творчасці, сяброўства і свабоды!» — напісала Марыя.
Святлана Ціханоўская пра крытыку з боку Ціханоўскага: Мне ад гэтага вельмі крыўдна і непрыемна40
Каментары