Протаіерэй Андрэй Лемяшонак паскардзіўся на праверкі. І назваў паездкі манашак Свята-Елісавецінскага манастыра па Еўропе «гераічнымі»
Духоўнік Свята-Елісавецінскага манастыра Андрэй Лемяшонак прызнаўся, што яго выклікаюць ужо шмат гадоў, піша «Хрысціянская візія».
«Вось я зараз знаходжуся сапраўды на парахавой бочцы ўжо шмат гадоў, таму што я не ведаю, хто што напіша на нас, і мяне выклікаюць. Разумееце, гэта лёгка сказаць, калі ты адказваеш за людзей, гэта зусім па-іншаму, разумееце? Гэта зусім па-іншаму. Але гэта дае магчымасць не расслабіцца, але ў нейкі момант становіцца вельмі цяжка. Вельмі цяжка, шчыра кажучы, так. І хочацца нейкага перадыху», — сказаў ён падчас сваёй перадачы на ютубе.
Год таму ў манастыры прыпынялі прыём запісак на месцах — гэта было звязана з фінансавай праверкай, звяртае ўвагу «Хрысціянская візія». Рэвізію ініцыявала як кіраўніцтва БПЦ, так і дзяржаўныя органы. Падставай паслужылі скаргі на фінансавыя злоўжыванні ў манастыры.
Лемяшонак у перадачы таксама прызнаўся, што сёстры яго манастыра працягваюць гандляваць у Францыі і Швейцарыі. Ён расказаў, што яны толькі нядаўна вярнуліся з паездкі.
Іх падарожжа на беларускіх нумарах па краінах Заходняй Европы Лемяшонак назваў «гераічным».
Свята-Елісавецінскі манастыр вядомы тым, што падтрымлівае Расію ў вайне супраць Украіны.
Летась Лемяшонку Пуцін асабіста ўручыў медаль Пушкіна — «за вялікі ўклад у захаванне і папулярызацыю рускай мовы і культуры за мяжой». Такі ж медаль атрымала і гродзенская ігумення Гаўрыіла.
Святлана Ціханоўская пра крытыку з боку Ціханоўскага: Мне ад гэтага вельмі крыўдна і непрыемна40
Каментары
NN: "3 кастрычніка ў Навагрудскім раёне адбыўся штогадовы хрэсны ход да месца, вядомага як «Навагрудская Галгофа». Гэта месца, дзе пасля прыход савецкай улады ў Заходняй Беларусі ў 1939 годзе быў забіты Грэцкі протаіерэй Мікалай Нядзведскі, паведамляе навагрудскі царкоўны прыход."
Зусім не здзіўлены, + трэба рабіць Беларускі Грэцкі збор незалежным. Каб не парушаць кананічнага права