У Мінску замест рэстарана «Адэса-мама» адкрылася кафэ беларускай кухні, дзе любая страва каштуе 20 рублёў
У Мінску на праспекце Дзяржынскага, 104, у бізнэс-цэнтры «Тытан» некалькі гадоў працаваў рэстаран «Адэса-мама». Але ён закрыўся, а на яго месцы адкрылася кафэ з зусім іншай канцэпцыяй, піша Blizko.by.
Цяпер кафэ пазіцыяніруе сябе як установа беларускай кухні, называецца «Чайка» і працуе штодня з 12:00 да 23:00.
У меню: сырнікі са смятанай і вішнёвым варэннем, бульбяныя аладкі з мясам, дранікі з яечняй і агурковым салатам, аладкі са згушчаным малаком і чарнічным варэннем, селядзец з бульбай, саленні, грэнкі з сырным соусам, чабурэкі з ялавічынай і свінінай, чырвоны боршч з пампушкамі, рассольнік, селядзец пад шубай, катлеты «Папараць-кветка», клёцкі, ялавічныя шчокі і іншыя стравы.
Усе асноўныя стравы прадаюцца па адной цане: 20 рублёў, асобна плаціцца за порцыю хлеба (5 рублёў за 70 грамаў) і напоі. У будні з 12:00 да 16:00 дзейнічае зніжка ў 20% на ўсё меню. Гэта значыць, адна страва будзе каштаваць не 20, а 16 рублёў.
Хто такая Алеся Пархоменка з Кіпра, якая развязала беларуска-беларускую вайну88
Хто такая Алеся Пархоменка з Кіпра, якая развязала беларуска-беларускую вайну
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1515
Каментары