Аднак еўрапейскія краіны адхілілі прапанову Белага дома.
Адміністрацыя прэзідэнта ЗША Дональда Трампа прапанавала зняць абмежаванні з часткі дзяржаўных актываў Расіі, замарожаных пасля пачатку поўнамаштабнага ўварвання ва Украіну, каб паспрабаваць аднавіць мірныя перамовы, якія зайшлі ў тупік. Аднак еўрапейскія краіны адхілілі прапанову Белага дома. Пра гэта піша газета Financial Times са спасылкай на крыніцы.
Паводле суразмоўцаў FT, такі план прапанавалі спецпрадстаўнік прэзідэнта ЗША Стывен Уіткаф і зяць Трампа Джарэд Кушнер падчас нядаўняй сустрэчы з украінскім бокам і прадстаўнікамі еўрапейскіх краін у Маямі.
Ён прадугледжваў перавод часткі замарожаных расійскіх актываў у спецыяльную фінансавую структуру, якая знаходзілася б пад кантролем Вашынгтона.
Прадстаўнікі Еўропы на сустрэчы ў Маямі выступілі супраць перадачы кантролю над актывамі ЗША або вяртання Расіі любой часткі замарожаных сродкаў, расказалі крыніцы газеты. Паводле іх слоў, прапанова Уіткафа і Кушнера выклікала занепакоенасць сярод украінскіх чыноўнікаў і еўрапейскіх дыпламатаў наконт спробаў Вашынгтона аказаць ціск на Расію.
У лютым 2022 года заходнія ўрады замарозілі расійскія дзяржаўныя актывы на 260 млрд еўра. Большая частка гэтых сродкаў знаходзіцца ў Еўрапейскім саюзе, нагадвае Deutsche Welle.
ЕС пакуль не перадаў гэтыя сродкі Украіне і выкарыстоўвае атрыманыя з іх даходы для фінансавай падтрымкі Кіева. У прыватнасці, Украіна атрымала ад краін «Групы сямі» крэдыт на 45 млрд еўра, забяспечаны працэнтнымі даходамі ад замарожаных актываўT.
Лідары краін — членаў ЕС паабяцалі выкарыстаць гэтыя актывы для фінансавання аднаўлення Украіны, калі Расія не выплаціць рэпарацыі пасля заканчэння вайны.
Як падкрэслілі крыніцы FT, для размарожвання расійскіх актываў ЕС спатрэбіцца таксама аднагалосная згода ўсіх краін — членаў блока. Гэта ўскладніць прасоўванне і рэалізацыю ініцыятывы Уіткафа і Кушнера.
Цяпер чытаюць
Святлана Ціханоўская пра крытыку з боку Ціханоўскага: Мне ад гэтага вельмі крыўдна і непрыемна40
Каментары
Россия в выйгрыше, ради призрачного начала, призрачных переговоров, возвращает замороженные деньги и тратит их на войну, выводит нефтесектор из-под санкции через дизельную сделку путина-трампа, тем самым стабилизирует бюджет и финансовую систему, установила институциональные отношения с США в энергетике и по линии спецслужб, получила, на блюдце блокировку разведданных Украине и блокировку старлинка, защиту своих НПЗ с стороны США, благодаря этому повредила, за одни сутки!, три ТЭЦ Киева и ТЭЦ Харькова, получила дестабилизацию внутри Украины, из-за требовании трампа и маска об отставке Зеленского и много чего ещё, а взамен не дала НИЧЕГО!
Еак же смердят трамп и его окружение !!!!