На Чыгірынскім вадасховішчы ў Быхаўскім раёне ратавальнікі МНС дапамаглі мужчыну, які апынуўся ў вадзе. Здарэнне адбылося ўвечары 16 кастрычніка каля вёскі Чачэвічы.
Фота: mchs.gov.by
Калі ратавальнікі прыбылі на месца, мужчына знаходзіўся прыкладна за 100 метраў ад берага. Ён быў у выратавальнай камізэльцы і трымаўся за гумовую лодку, але самастойна залезці ў яе або дабрацца да берага не мог.
Работнікі МНС з дапамогай выратавальнай дошкі даставілі мужчыну на бераг і перадалі медыкам. Пасля гэтага яго шпіталізавалі.
Фота: mchs.gov.by
Як высветлілася, мужчына разам з трыма знаёмымі катаўся на лодцы. Падчас дазапраўкі лодка перакулілася, і ўсе чацвёра апынуліся ў вадзе. Трое змаглі самастойна дабрацца да берага, а чацвёртаму спатрэбілася дапамога ратавальнікаў.
Цяпер чытаюць
Святлана Ціханоўская пра крытыку з боку Ціханоўскага: Мне ад гэтага вельмі крыўдна і непрыемна44
Святлана Ціханоўская пра крытыку з боку Ціханоўскага: Мне ад гэтага вельмі крыўдна і непрыемна
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1313
Каментары