У Магілёве ў раёне ракі Дубровенка заўважылі вярблюда, які свабодна гуляў уздоўж ракі і спакойна скуб траву і кусты. Відэа з незвычайнай прагулкай апублікаваў канал Promogilev24/7. Ролік ужо набраў больш за 12 тысяч праглядаў, піша тэлеграм-канал «МогилевОнлайн».
Скрыншот з відэа
Карыстальнікі сацсетак паставіліся да ўбачанага з гумарам. Адныя парадаваліся, што жывёліне дазваляюць гуляць на свежым паветры, іншыя задумаліся, ці не чарговая гэта «анамалія» ў Магілёўскай вобласці.
Зрэшты, усё, верагодна, значна прасцей. У каментарах выказалі здагадку, што вярблюд належыць цырку, які знаходзіцца непадалёк, і з’яўляецца дрэсіраванай жывёлай.
Цяпер чытаюць
У мінскім гандлёвым цэнтры Palazzo сабралася даўжэзная чарга. Па дармовых мядзведзікаў!4
Каментары