Міліцыя папярэдзіла працоўных мігрантаў, што за шум ноччу і алкаголь на вуліцы могуць выслаць з Беларусі
«Вы прыехалі сюды, каб працаваць і дапамагаць сваім сем'ям».
Працоўных мігрантаў у Беларусі папярэдзілі, за што могуць выслаць з краіны.
Сустрэча замежных супрацоўнікаў і міліцыі прайшла на прадпрыемстве «Смалявічы Бройлер». Там цяпер працуе 600 замежнікаў.
Прадстаўнікі сілавых органаў прыгразілі работнікам, што нават за дробныя правіннасці ў іх могуць быць праблемы з легалізацыяй. Шум ноччу, дробнае хуліганства, распіццё алкаголю ў грамадскім месцы — усё гэта можа стаць падставай для перагляду статусу знаходжання.
«Вы прыехалі сюды, каб працаваць і дапамагаць сваім сем'ям. Але калі адбудзецца надзвычайнае здарэнне на працоўным месцы, дзе вы афіцыйна не працаўладкаваныя, — гэта стане бядой у першую чаргу для вас. Нелегальныя падпрацоўкі на баку недапушчальныя», — прыводзіць словы намесніцы начальніка ўпраўлення па грамадзянстве і міграцыі УУС Мінаблвыканкама Святланы Рабовіч тэлеграм-канал «Міліцыя Міншчыны».
Міліцыя папярэдзіла, што пры сістэматычных парушэннях пытанне аб высылцы ставіцца неадкладна.
Цяпер чытаюць
Бізнэсовец родам з Бабруйска адмовіцца ад свайго гіганцкага аўстралійскага заробку дзеля шанцу атрымаць $35 мільёнаў3
Каментары