27‑гадовы гамяльчук некалькі месяцаў збіваў жонку, а ў канцы сакавіка забіў, нанёсшы не менш за 35 удараў. Жанчына памерла на месцы. Яна была цяжарная — тэрмін складаў не менш за дзесяць тыдняў.
Пракуратура Гомельскай вобласці перадала справу ў суд. Мужчыну абвінавачваюць у катаванні цяжарнай жанчыны і яе забойстве з асаблівай жорсткасцю.
Паводле матэрыялаў справы, гвалт працягваўся шмат месяцаў. Мужчына біў жонку па галаве і цягаў за валасы нават на людзях — у сваякоў, знаёмых, а таксама на працы. У пракуратуры паведамляюць, што ён быў пад дзеяннем алкаголю і псіхатропных рэчываў.
У канцы сакавіка ў здымнай кватэры ён, паводле абвінавачання, нанёс жонцы не менш за 35 удараў рукамі, нагамі і тупымі прадметамі. Каля 12 удараў прыйшліся па галаве.
Жанчына памерла ад атрыманых траўмаў.
На момант забойства тэрмін яе цяжарнасці складаў не менш за дзесяць тыдняў. Следства ўстанавіла, што абвінавачаны ведаў пра цяжарнасць жонкі.
Цяпер чытаюць
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў1010
Каментары
Ці міліцыі некалі гэтым займацца. Трэ лекараў, студэнтаў, інжынераў, праграмістаў і гд за лайкі хапаць ды ў турмы кідаць.