У Смаргоні завяршаюць пусканаладачныя работы на другім у Беларусі алейна-экстракцыйным заводзе кампаніі «Белагратэрмінал», якая ўваходзіць у міжнародную групу «Садружнасць». Пра гэта паведамляе БелТА.
Прадпрыемства спраектаванае для перапрацоўкі розных алейных культур. Тут будуць перапрацоўваць рапс, сою, лён, а таксама насенне сланечніка — новую для беларускай галіны культуру.
Пасля запуску завод стане адзіным у Беларусі прадпрыемствам, якое перапрацоўвае ўсе віды алейных культур.
У Гродзенскім аблвыканкаме разлічваюць, што новая вытворчасць дазволіць павялічыць экспарт раслінных алеяў і знізіць залежнасць жывёлагадоўлі ад імпартнага шроту. Раней прадстаўнікі прадпрыемства паведамлялі, што завод зможа забяспечваць да 50% патрэб беларускага рынку ў шроце ўласнай вытворчасці — каля 300 тысяч тон на год.
Групу кампаній «Садружнасць» заснавалі ў 1994 годзе сужэнцы Аляксандр і Наталля Луцэнкі. У Беларусі яны пачыналі з гандлю кармавымі дабаўкамі, а пазней стварылі адзін з найбуйнейшых холдынгаў па перапрацоўцы алейных культур. Вытворчыя актывы групы размешчаныя ў Расіі, Беларусі, Бразіліі і Турцыі.
У 2024 годзе пасля рэструктурызацыі бізнэсу расійскія і беларускія актывы аб’ядналі ў кампанію «Садружнасць Рус».
Цяпер чытаюць
Масквічка распавяла, як разам з жаніхом ледзь не загінула ў аварыі па дарозе на сваё вяселле ў сядзібе пад Лагойскам10
Масквічка распавяла, як разам з жаніхом ледзь не загінула ў аварыі па дарозе на сваё вяселле ў сядзібе пад Лагойскам
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў77
Каментары