Прэзідэнт Украіны заявіў, што гатовы да мірнага пагаднення, якое прадугледжвае замарожванне вайны на цяперашняй лініі фронту.
Аднак, паводле яго слоў, Украіна не пагодзіцца прызнаць, што «часова акупаваная тэрыторыя стала расійскай». Пра гэта Уладзімір Зяленскі заявіў у інтэрв’ю ABC News, піша «Украінская праўда».
«Так, мы гатовыя спыніць гэтую вайну як мага хутчэй. Замарозіць канфлікт па лініі фронту проста цяпер», — сказаў ён.
На пытанне, ці быў бы Зяленскі гатовы дзеля пагаднення «аддаць 25% тэрыторыі Украіны», прэзідэнт адказаў адмоўна, патлумачыўшы, што расіяне захапілі меншую долю тэрыторыі.
«Калі нехта гаворыць пра 25%, гэта азначае, што мы павінны адмовіцца ад усяго Данбаса. Гэта будзе азначаць, што яны (расіяне) будуць кантраляваць 25%. Цяпер яны кантралююць 19,3%», — сказаў ён.
Разам з тым Зяленскі адзначыў, што «мы не пагодзімся — я чуў такія прапановы — на тое, каб часова акупаваную тэрыторыю прызналі расійскай».
Таксама ў інтэрв’ю прэзідэнт паўтарыў, што абмежаванні для Starlink працягваюць дзейнічаць.
-
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу
-
Расійскі афіцэр застрэліў на фронце ва Украіне двух сваіх жа вайскоўцаў
-
Пад Самарай пасля ўдару Украіны другія суткі гарыць адно з найбуйнейшых сховішчаў нафты ў Еўропе
Святлана Ціханоўская пра крытыку з боку Ціханоўскага: Мне ад гэтага вельмі крыўдна і непрыемна40
Каментары
[Зрэдагавана]