Ён абышоў Флавіу Балсанару на тры з паловай працэнта і стаў першым прэзідэнтам, хто перамог пасля паразы ў першым туры.
Дзейны лідар Бразіліі Луіс Інасіу Лула да Сілва перамог у другім туры прэзідэнцкіх выбараў, набраўшы 51,79% галасоў. Пра гэта сведчаць даныя Вышэйшага выбарчага суда краіны (TSE) пасля апрацоўкі 100% бюлетэняў.
Ягоны супернік, сенатар Флавіу Балсанару ад Ліберальнай партыі, атрымаў 48,21% галасоў. Пры гэтым на пачатковым этапе падліку галасоў Балсанару апярэджваў Лулу да Сілву з адрывам у 1%.
За Лулу да Сілву прагаласавалі 64 256 232 выбаршчыкі, за Балсанару — 59 826 041. Розніца паміж кандыдатамі склала каля 4,43 млн галасоў.
Лула да Сілва стаў першым кандыдатам у прэзідэнты Бразіліі, які атрымаў выніковую перамогу пасля паразы ў першым туры.
Флавіу Балсанару адмовіўся прызнаць вынікі выбараў.
Лула ўжо быў прэзідэнтам Бразіліі ў 2003—2010 гадах, а пазней правёў паўтара года ў зняволенні па справе аб карупцыі. У 2021 годзе Вярхоўны суд краіны цалкам зняў з яго абвінавачанні, а ў студзені 2023 года ён заступіў на трэці прэзідэнцкі тэрмін, перамогшы Жаіра Балсанару.
Цяпер чытаюць
Хто такая Алеся Пархоменка з Кіпра, якая развязала беларуска-беларускую вайну93
Хто такая Алеся Пархоменка з Кіпра, якая развязала беларуска-беларускую вайну
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1515
Каментары