«У нас з Шагалам выйшла кніжка ў выдавецтве «Мяне няма». Усім датычным падзякі і віншаванні! А хто ў Празе — заходзьце а 14.05 на прэзентацыю!», — паведаміў у сваім фэйсбуку Сяргей Шупа, які пераклаў успаміны.
Першапачаткова Шагал напісаў мемуары па-руску, але гэты тэкст пазней быў страчаны. У 1925 годзе аўтабіяграфія ўпершыню была апублікаваная на ідышы ў пяці нумарах нью-ёркскага часопіса «Будучыня» (Di cukunft).
Асновай для беларускага перакладу Сяргея Шупы стаў 80‑старонкавы машынапіс, які захоўваецца ў архіве часопіса Di cukunft у Інстытуце яўрэйскіх даследаванняў YIVO ў Нью-Ёрку. Пры падрыхтоўцы выдання таксама ўлічваліся змены і дапаўненні, зробленыя ў часопіснай публікацыі.
Гэты варыянт істотна адрозніваецца ад шырока вядомай французскай версіі аўтабіяграфіі «Маё жыццё», якая выйшла ў 1931 годзе ў перакладзе жонкі мастака Бэлы Шагал. Па словах Сяргея Шупы, ідышскі тэкст 1925 года бліжэйшы да першапачатковай задумы Шагала, тады як французская версія стварае больш прымальны для публікі вобраз мастака і выключае фрагменты, якія маглі выклікаць непажаданае ўражанне.
Зрабіць заказ кнігі можна тут.
-
У гістарычным цэнтры Магілёва за паўмільёна даляраў прадаюць ружовы будынак ваенкамата
-
«Вельмі стыльна, вельмі прыгожа знята і вельмі парадавалі тры акцёры». Марціновіч пра «Дзяды» Андрэя Саўчанкі
-
«Рускай мовы мой сын не чуе». Маргарыта Ляўчук — пра выклікі мацярынства, вяртанне на вялікую сцэну, абражанага Лукашэнку і каханне
Цяпер чытаюць
Святлана Ціханоўская пра крытыку з боку Ціханоўскага: Мне ад гэтага вельмі крыўдна і непрыемна42
Каментары