Кушнер заявіў пра падрыхтоўку найбуйнейшага абмену палоннымі. Абмененыя могуць быць тысячы чалавек
Спецпасланнік Трампа пракаментаваў у X.com вынікі перамоваў з Пуціным і Зяленскім
«Завяршыліся тры дні інтэнсіўнай дыпламатычнай працы, накіраванай на спыненне жахлівай вайны паміж Расіяй і Украінай. Пасля дэталёвых трохбаковых перамоў з расійскай і ўкраінскай дэлегацыямі ў Абу-Дабі мы накіраваліся ў Маскву для прамых перамоў з прэзідэнтам Пуціным, а затым — у Дублін на сустрэчу з прэзідэнтам Зяленскім. Дзень завяршыўся кансультацыямі з дарадцамі па нацыянальнай бяспецы Украіны, Германіі, Італіі, ЕС, Францыі, Ірландыі і Польшчы. Была праведзена велізарная праца, каб аднавіць прамыя перамовы пасля многіх месяцаў перапынку. Мы дасягнулі істотнага прагрэсу ў разуменні занепакоенасцей абодвух бакоў, вызначэнні магчымых рашэнняў і выпрацоўцы далейшага плана дзеянняў», — напісаў спецпасланнік Трампа.
Ён таксама паведаміў, што магчымы маштабны абмен палоннымі.
«Мы таксама працуем над падрыхтоўкай абмену палоннымі, які можа стаць найбуйнейшым за ўвесь час вайны і патэнцыйна дазволіць тысячам людзей уз'яднацца са сваімі сем'ямі. Вайна зламала лёсы многіх людзей, і мы спадзяёмся, што абодва бакі праявяць добрую волю і сур'ёзнасць намераў, неабходныя для рэалізацыі гэтага важнага кроку», — напісаў Джарэд Кушнер.
-
Памятаеце, «Арэшнік» упаў на гаражы пад Кіевам? Украінцы расказалі, якая сістэма дазволіла адхіліць ракету ад ваеннай цэлі
-
Іларыёнаў: Пуцін пойдзе на саступкі тады, калі спыніцца прасоўванне расійскай арміі
-
«Вы — мяса». 37‑гадовы будаўнік з Пінска паехаў на заробкі ў Пецярбург, а апынуўся ў штурмавой групе пад Суджай
Каментары