Kušnier zajaviŭ pra padrychtoŭku najbujniejšaha abmienu pałonnymi. Abmienienyja mohuć być tysiačy čałaviek
Śpiecpasłańnik Trampa prakamientavaŭ u X.com vyniki pieramovaŭ z Pucinym i Zialenskim
«Zaviaršylisia try dni intensiŭnaj dypłamatyčnaj pracy, nakiravanaj na spynieńnie žachlivaj vajny pamiž Rasijaj i Ukrainaj. Paśla detalovych trochbakovych pieramoŭ z rasijskaj i ŭkrainskaj delehacyjami ŭ Abu-Dabi my nakiravalisia ŭ Maskvu dla pramych pieramoŭ z prezidentam Pucinym, a zatym — u Dublin na sustreču z prezidentam Zialenskim. Dzień zaviaršyŭsia kansultacyjami z daradcami pa nacyjanalnaj biaśpiecy Ukrainy, Hiermanii, Italii, ES, Francyi, Irłandyi i Polščy. Była praviedziena vielizarnaja praca, kab adnavić pramyja pieramovy paśla mnohich miesiacaŭ pierapynku. My dasiahnuli istotnaha prahresu ŭ razumieńni zaniepakojenaściej abodvuch bakoŭ, vyznačeńni mahčymych rašeńniaŭ i vypracoŭcy dalejšaha płana dziejańniaŭ», — napisaŭ śpiecpasłańnik Trampa.
Jon taksama paviedamiŭ, što mahčymy maštabny abmien pałonnymi.
«My taksama pracujem nad padrychtoŭkaj abmienu pałonnymi, jaki moža stać najbujniejšym za ŭvieś čas vajny i patencyjna dazvolić tysiačam ludziej uźjadnacca sa svaimi siemjami. Vajna złamała losy mnohich ludziej, i my spadziajomsia, što abodva baki prajaviać dobruju volu i surjoznaść namieraŭ, nieabchodnyja dla realizacyi hetaha važnaha kroku», — napisaŭ Džared Kušnier.
-
Pamiatajecie, «Arešnik» upaŭ na haražy pad Kijevam? Ukraincy raskazali, jakaja sistema dazvoliła adchilić rakietu ad vajennaj celi
-
Iłaryjonaŭ: Pucin pojdzie na sastupki tady, kali spynicca prasoŭvańnie rasijskaj armii
-
«Vy — miasa». 37‑hadovy budaŭnik ź Pinska pajechaŭ na zarobki ŭ Pieciarburh, a apynuŭsia ŭ šturmavoj hrupie pad Sudžaj
Kamientary