Грамадства

Інфапункты для беларусаў за мяжой створаць у Вільні, Варшаве і Познані. Колькі ў іх будзе супрацоўнікаў і хто стане плаціць заробкі?

Там падкажуць, куды звяртацца з пытаннямі працаўладкавання, легалізацыі, медыцыны і адукацыі.

Вераніка Станкевіч. Фота: АПК

Прадстаўніцтва Аб’яднанага пераходнага кабінета па сацыяльнай палітыцы плануе да сярэдзіны снежня адкрыць бясплатныя інфармацыйныя пункты для беларусаў у Вільні, Варшаве і Познані. Там падкажуць, куды звяртацца з пытаннямі працаўладкавання, легалізацыі, медыцыны і адукацыі. «Белсат» пацікавіўся, навошта патрэбныя фізічныя пункты, калі дапамогу можна атрымаць анлайн, а таксама даведаўся, ці ёсць на гэта фінансаванне.

«Спачатку будуць валанцёры»

Афлайн-пункты разлічаныя на людзей, якім цяжка самастойна знайсці дапамогу ў інтэрнэце — сярод іх былыя палітвязні і людзі пенсійнага веку.

«У пункце ім падкажуць, якая арганізацыя можа дапамагчы з іх праблемай, і пры неабходнасці дадуць памятку з інфармацыяй», — расказала «Белсату» Вераніка Станкевіч, прадстаўніца па сацыяльнай палітыцы АПК.

У кожным пункце будзе працаваць па адным чалавеку. Спачатку гэта будуць валанцёры. Цяпер каманда шукае фінансаванне, каб аплачваць іх працу. У тэставым рэжыме пункты плануюць адкрываць два-тры разы на тыдзень у будныя дні, бліжэй да вечара, каб туды можна было прыйсці пасля працы.

«Перад запускам каманда праводзіць апытанне, каб даведацца, ці патрэбныя такія пункты і ў які час людзям было б зручна прыходзіць. Дамоўленасці наконт некалькіх памяшканняў ужо ёсць, але спіс гарадоў яшчэ можа змяніцца. Напрыклад, калі апытанне пакажа, што ў Познані такі пункт не патрэбны, яго могуць адкрыць у іншым горадзе», — кажа яна.

У інфапунктах збяруць інфармацыю пра беларускія арганізацыі, якія дапамагаюць з легалізацыяй, працаўладкаваннем, адукацыяй ці гуманітарнымі пытаннямі. Кансультанты падкажуць, куды звярнуцца ў канкрэтнай сітуацыі, дадуць патрэбныя спасылкі і пры неабходнасці дапамогуць падаць заяўку онлайн. У прадстаўніцтве разлічваюць, што так людзі будуць радзей звяртацца, напрыклад, па фінансавую дапамогу ў арганізацыі, якія займаюцца легалізацыяй.

Дыяспары патрэбныя месцы, куды можна прыйсці з пытаннямі

Паводле суразмоўцы «Белсату», патрэбу ў асабістых кансультацыях заўважылі падчас працы з былымі палітвязнямі. У некаторых з іх няма камп’ютара, таму нават запоўніць анкету на атрыманне дапамогі бывае складана. Раней для гэтага сустракаліся, у тым ліку, у кавярнях.

«У нас ёсць кейсы, яшчэ калі я працавала ў «Вольных», як да чалавека едзе праз увесь горад валанцёр, каб дапамагчы, каб адкрыць камп’ютар і нешта зрабіць», — расказала яна.

Як прыклад працы ў пункце Станкевіч прыводзіць дапамогу ў замове прадуктовага набору, які атрымліваюць былыя палітвязні пасля выхаду на волю. Пра тое, наколькі запатрабаваныя пункты, каманда будзе меркаваць па колькасці зваротаў пасля тэставага запуску.

Праз шэсць гадоў эміграцыі патрэба ў асабістых кансультацыях стала большай, чым у першы год, мяркуе Станкевіч. За гэты час у краінах, дзе плануюць адкрыць інфапункты, паболела беларусаў, і, на яе думку, дыяспары патрэбныя пастаянныя месцы, куды можна прыйсці з пытаннямі.

«Беларусаў шмат, праблем шмат, і трэба, каб нехта адказваў на гэтыя пытанні», — сказала яна.

Каментары

Цяпер чытаюць

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Усе навіны →
Усе навіны

«Цяпер я здаю 41 кватэру ў Мінску і хачу вырасці да 100 кватэр». Беларус расказаў пра бізнэс на кароткатэрміновай арэндзе жылля31

У Пятрухіна на стрыме выбілі з рук тэлефон. Блогер абрынуўся на беларусаў Уроцлава37

Самы доўгі тралейбусны маршрут Мінска збіраюцца зрабіць яшчэ даўжэйшым

У мінскім метро расказалі, колькі часу займае паездка ад першай да апошняй станцыі

Кіраўнік МЗС Літвы пракаментаваў магчымасць змякчэння санкцый супраць Беларусі і яе ролю ў мірных перамовах6

Гіганцкі фантан працаваў сёння раніцай у Мінску

Памерла Ганна Садоўская — дзяячка польскай супольнасці ў Ваўкавыску1

«Лік ідзе на хвіліны, а сваякі павінны бегаць па вуліцы і шукаць мужчын». Ці павінна хуткая дапамога выносіць пацыента з кватэры?13

«Пад канвоем вывезлі нас з мяжы». Расійская блогерка расказала пра затрыманне мужа на беларускай мяжы праз падпіску5

больш чытаных навін
больш лайканых навін

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Галоўнае
Усе навіны →

Заўвага:

 

 

 

 

Закрыць Паведаміць