Свет

У Бразіліі людзі з ізаляванай групы выйшлі з лесу і папрасілі ежы. Гэта трывожны знак

Падобных кантактаў з ізаляванымі прадстаўнікамі народа ава не фіксавалі дзесяцігоддзямі. Праваабаронцы бачаць у гэтым трывожны сігнал: незаконныя лесарубы, паляўнічыя і жывёлаводы выцясняюць іх з уласных земляў. Менавіта гэта магло прымусіць людзей звярнуцца па ежу, піша Reuters.

Прадстаўнікі некантактнага карэннага народу ава. Штат Мараньян, Бразілія. Здымак апублікаваны 17 лістапада 2026 года. Фота: Guajajara Community via Survival International

Фота і відэа сустрэчы 17 лістапада апублікавала арганізацыя Survival International, якая абараняе правы карэнных народаў. Паводле яе, сустрэча адбылася напярэдадні ў штаце Мараньян на паўночным усходзе Бразіліі.

На кадрах бачная група мужчын, жанчын і дзяцей на ўзлеску. Яны без адзення, у каралях, некаторыя мужчыны трымаюць лукі і доўгія стрэлы. Паводле мясцовых жыхароў, людзі ўзялі прапанаваны ім ямс — ядомы клубень, падобны да бульбы, — і вярнуліся ў лес.

Бразільскае дзяржаўнае агенцтва ў справах карэнных народаў Funai пацвердзіла, што вывучае відэа і сведчанні пра кантакт ізаляваных ава з жыхарамі паселішча на тэрыторыі Арарыбоя. Reuters не змагло незалежна пацвердзіць дакладнае месца і дату здымкі. Больш ранніх публікацый гэтых кадраў агенцтва не знайшло.

Ава жывуць паляваннем і збіральніцтвам. Частка народа кантактуе са знешнім светам, але некаторыя групы свядома захоўваюць ізаляцыю. Гэта не азначае, што яны не ведаюць пра іншых людзей: яны пазбягаюць сустрэч і не падтрымліваюць пастаянных сувязяў з чужынцамі.

Праваабаронцы лічаць, што незвычайны выхад па ежу можа быць наступствам ціску на іх тэрыторыю. У лес пранікаюць нелегальныя лесарубы, паляўнічыя і жывёлаводы, пакідаючы ава ўсё менш прасторы для жыцця.

«Ізаляваныя ава знаходзяцца пад надзвычайным ціскам: чужынцы наступаюць на іх тэрыторыю з усіх бакоў, выцясняючы іх на ўсё меншы астравок амазонскага лесу, акружаны разбурэннем», — заявіла дырэктарка Survival International Кэралайн Пірс.

Сама сустрэча таксама нясе рызыку. Паводле арганізацыі карэнных народаў Мараньяна, непадрыхтаваныя кантакты могуць прывесці да заражэння інфекцыямі і іншых пагроз для ізаляванай групы.

Усяго ў Бразіліі налічваецца 124 некантактныя групы, што складае амаль 95% усіх ізаляваных плямёнаў Амазоніі.

Funai ужо запусціла спецыяльны план дзеянняў, каб зменшыць рызыкі для здароўя ава. Пры гэтым агенцтва падкрэсліла: дзяржава не імкнецца ўсталяваць з імі кантакт і захоўвае палітыку неўмяшання.

Каментары

Цяпер чытаюць

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку13

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку

Усе навіны →
Усе навіны

У былой прапагандысткі АНТ у Аўстраліі скралі машыну. Але хутка кінулі, бо ламачча11

Еўракамісія прапанавала выдаць Украіне 45 мільярдаў еўра пад агульны доўг краін ЕС2

Удары па расійскіх НПЗ пагрузілі краіну ў найгоршы паліўны крызіс з часоў распаду Савецкага Саюза7

У Польшчы будуць судзіць жанчыну, якая збіла ўкраінскіх дзяцей і ўхваляла расійскую агрэсію4

У Расіі доктар памылкова прызнаў пацыентку памерлай. А потым забіў яе ў моргу, каб схаваць памылку8

Егіпецкі самалёт двойчы за ноч сядаў у Мінску па дарозе ў Маскву

У Брэсцкім універсітэце правялі паказальны суд за «абразу Лукашэнкі»5

«Выгуляю сабаку за 5 еўра». Як айцішнік выжывае ў Іспаніі — у Польшчы яго звольнілі за тое, што пераехаў7

У Гданьску беларус сказаў паліцэйскім, што ўдзельнічае ў конкурсе па пошуку схаваных наркотыкаў2

больш чытаных навін
больш лайканых навін

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку13

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку

Галоўнае
Усе навіны →

Заўвага:

 

 

 

 

Закрыць Паведаміць