Śviet

U Brazilii ludzi ź izalavanaj hrupy vyjšli ź lesu i paprasili ježy. Heta tryvožny znak

Padobnych kantaktaŭ ź izalavanymi pradstaŭnikami naroda ava nie fiksavali dziesiacihodździami. Pravaabaroncy bačać u hetym tryvožny sihnał: niezakonnyja lesaruby, palaŭničyja i žyviołavody vyciaśniajuć ich z ułasnych ziemlaŭ. Mienavita heta mahło prymusić ludziej źviarnucca pa ježu, piša Reuters.

Pradstaŭniki niekantaktnaha karennaha narodu ava. Štat Marańjan, Brazilija. Zdymak apublikavany 17 listapada 2026 hoda. Fota: Guajajara Community via Survival International

Fota i videa sustrečy 17 listapada apublikavała arhanizacyja Survival International, jakaja abaraniaje pravy karennych narodaŭ. Pavodle jaje, sustreča adbyłasia napiaredadni ŭ štacie Marańjan na paŭnočnym uschodzie Brazilii.

Na kadrach bačnaja hrupa mužčyn, žančyn i dziaciej na ŭźlesku. Jany biez adzieńnia, u karalach, niekatoryja mužčyny trymajuć łuki i doŭhija streły. Pavodle miascovych žycharoŭ, ludzi ŭziali prapanavany im jams — jadomy kłubień, padobny da bulby, — i viarnulisia ŭ les.

Brazilskaje dziaržaŭnaje ahienctva ŭ spravach karennych narodaŭ Funai paćvierdziła, što vyvučaje videa i śviedčańni pra kantakt izalavanych ava z žycharami pasielišča na terytoryi Araryboja. Reuters nie zmahło niezaležna paćvierdzić dakładnaje miesca i datu zdymki. Bolš rańnich publikacyj hetych kadraŭ ahienctva nie znajšło.

Ava žyvuć palavańniem i źbiralnictvam. Častka naroda kantaktuje sa źniešnim śvietam, ale niekatoryja hrupy śviadoma zachoŭvajuć izalacyju. Heta nie aznačaje, što jany nie viedajuć pra inšych ludziej: jany paźbiahajuć sustreč i nie padtrymlivajuć pastajannych suviaziaŭ z čužyncami.

Pravaabaroncy ličać, što niezvyčajny vychad pa ježu moža być nastupstvam cisku na ich terytoryju. U les pranikajuć nielehalnyja lesaruby, palaŭničyja i žyviołavody, pakidajučy ava ŭsio mienš prastory dla žyćcia.

«Izalavanyja ava znachodziacca pad nadzvyčajnym ciskam: čužyncy nastupajuć na ich terytoryju z usich bakoŭ, vyciaśniajučy ich na ŭsio mienšy astravok amazonskaha lesu, akružany razbureńniem», — zajaviła dyrektarka Survival International Kerałajn Pirs.

Sama sustreča taksama niasie ryzyku. Pavodle arhanizacyi karennych narodaŭ Marańjana, niepadrychtavanyja kantakty mohuć pryvieści da zaražeńnia infiekcyjami i inšych pahroz dla izalavanaj hrupy.

Usiaho ŭ Brazilii naličvajecca 124 niekantaktnyja hrupy, što składaje amal 95% usich izalavanych plamionaŭ Amazonii.

Funai užo zapuściła śpiecyjalny płan dziejańniaŭ, kab źmienšyć ryzyki dla zdaroŭja ava. Pry hetym ahienctva padkreśliła: dziaržava nie imkniecca ŭstalavać ź imi kantakt i zachoŭvaje palityku nieŭmiašańnia.

Kamientary

Ciapier čytajuć

U Kobrynie kaviarniu aformili ŭ «sučasnym biełaruskim styli» — namalavali na ścianie dziaŭčynu ŭ kakošniku13

U Kobrynie kaviarniu aformili ŭ «sučasnym biełaruskim styli» — namalavali na ścianie dziaŭčynu ŭ kakošniku

Usie naviny →
Usie naviny

U byłoj prapahandystki ANT u Aŭstralii skrali mašynu. Ale chutka kinuli, bo łamačča11

Jeŭrakamisija prapanavała vydać Ukrainie 45 miljardaŭ jeŭra pad ahulny doŭh krain ES2

Udary pa rasijskich NPZ pahruzili krainu ŭ najhoršy paliŭny kryzis z časoŭ raspadu Savieckaha Sajuza7

U Polščy buduć sudzić žančynu, jakaja źbiła ŭkrainskich dziaciej i ŭchvalała rasijskuju ahresiju4

U Rasii doktar pamyłkova pryznaŭ pacyjentku pamierłaj. A potym zabiŭ jaje ŭ morhu, kab schavać pamyłku8

Jehipiecki samalot dvojčy za noč siadaŭ u Minsku pa darozie ŭ Maskvu

U Bresckim univiersitecie praviali pakazalny sud za «abrazu Łukašenki»5

«Vyhulaju sabaku za 5 jeŭra». Jak ajcišnik vyžyvaje ŭ Ispanii — u Polščy jaho zvolnili za toje, što pierajechaŭ7

U Hdańsku biełarus skazaŭ palicejskim, što ŭdzielničaje ŭ konkursie pa pošuku schavanych narkotykaŭ2

bolš čytanych navin
bolš łajkanych navin

U Kobrynie kaviarniu aformili ŭ «sučasnym biełaruskim styli» — namalavali na ścianie dziaŭčynu ŭ kakošniku13

U Kobrynie kaviarniu aformili ŭ «sučasnym biełaruskim styli» — namalavali na ścianie dziaŭčynu ŭ kakošniku

Hałoŭnaje
Usie naviny →

Zaŭvaha:

 

 

 

 

Zakryć Paviedamić