Прызначаная дата разгляду крымінальнай справы яшчэ аднаго ўдзельніка акцыі пратэсту 19 сьнежня 2010 года. 1 сакавіка у судзе Фрунзенскага раёну Менска будуць судзіць Зміцера Новіка.
Ён быў затрыманы 23 сьнежня позна ўвечары дома ў Баранавічах як падазраваны па крымінальнай справе аб масавых беспарадках. Абвінавачанне Новіку прад’яўлена 30 снежня па ч.2 арт. 293 КК –
удзел у масавых беспарадках.Ад таго часу знаходзіцца пад вартай у СІЗА №1 на вул. Валадарскага.
У гэтым жа судзе судзьдзя Тацяна Чаркас будзе разглядаць справу Аляксандра Атрошчанкава.
Таксама 1 сакавіка ў судзе Маскоўскага раёна Менска адбудзецца суд над фігурантам справы аб масавых беспарадках Дзмітрыем Мядзведзем, які абвінавачваецца па ч.2 арт.293 КК РБ - "удзел у масавых беспарадках". Працэс будзе весці суддзя Алена Рудніцкая. Пачатак а 10-ай гадзіне.
Верагодна, што ў судзе Маскоўскага раёна Менска будзе разглядацца перакваліфікаваная справа Арцёма Брэуса і Івана Гапонава.
Нагадаем, што 22 лютага Дзяржаўны абвінаваўца Сяргей Кунас заявіў хадайніцтва пра перапынак у судовым працэсе на 7 дзён, да 1 сакавіка, – для перапрад’яўлення абвінавачання Арцёму Брэусу і Івану Гапонаву. Суддзя Любоў Сямахіна хадайніцтва задаволіла.
Мінская настаўніца звольнілася са школы за 3 месяцы да канца адпрацоўкі. Колькі прыйшлося заплаціць?26
Каментары