Чавес сабраўся кіраваць да 2031 года: сацыялізм, сацыялізм і яшчэ раз сацыялізм.
Прэзідэнт Венесуэлы Уга Чавес заявіў, што мае намер заставацца на найвышэйшай дзяржаўнай пасадзе да 2031 года.
«Я хацеў сысці ў 2021 годзе,
але раз апазіцыя сцвярджае, што я паміраю, то ў мяне паўстаў іншы план: з Божай дапамогай і з вашага адабрэння буду кіраваць да 2031»,
— сказаў ён у панядзелак на сустрэчы са студэнтамі.
Лідар выказаў упэўненасць у сваёй «пераканаўчай перамозе» на чарговых прэзідэнцкіх выбарах, якія пройдуць у Венесуэле ў кастрычніку 2012 года. Услед за гэтым, па яго словах, пойдзе «працэс паглыблення сацыялістычнай рэвалюцыі». Аднак,
«колькі б я ні пражыў, мне не ўдасца ўбачыць Венесуэлу, пра якую я мару»,— прызнаў Чавес, заклікаўшы студэнтаў працягнуць пачатую ім справу.
Прэзідэнт Венесуэлы гэтым летам прайшоў курс лячэння ад рака.
«Сацыялізм, сацыялізм і яшчэ раз сацыялізм, — абвясціў прэзідэнт. — Мы павінны ўзмацніць барацьбу супраць грамадскіх язваў, якія дасталіся нам у спадчыну ад мінулых часоў: гвалту, злачыннасці, няроўнасці, карупцыі, эгаізму, індывідуалізму».
Цяпер чытаюць
Першы беларускі пашпарт з «Пагоняй» атрымаў Лукашэнка, а другі — школьнік Юрый Чарняк. Як склаўся лёс хлопца?10
Каментары