Kampjutar paznaŭ na FOTA samazvał, zombi i kocika
«Mužčyna karystajecca svaim noŭtbukam, pakul jaho kot hladzić na ekran».
17.07.2015 / 15:37
«Mužčyna karystajecca svaim noŭtbukam, pakul jaho kot hladzić na ekran». Fota: cs.stanford.edu
Daśledčyki Stenfardskaha ŭniviersiteta (ZŠA) raspracavali ałharytm raspaznańnia na fota abjektaŭ i uzajemadziejańniaŭ miž imi, raspaviadaje The Verge.
Raniej ałharytmy ŭmieli raspaznavać asobnyja abjekty ci ludziej (navat sa śpiny), a taksama ich ułaścivaści kštałtu kolera. Stenfardski ałharytm NeuralTalk umieje apisvać fota poŭnymi skazami — amal jak žyvy čałaviek.
Technałohija była apisanaja jašče ŭ 2014 hodzie, ale na jaje źviarnuli ŭvahu tolki paśla demanstracyi ŭ tvitary analityka Cima Maknamary. «Mužčyna karystajecca svaim noŭtbukam, pakul jaho kot hladzić na ekran», — apisaŭ ałharytm fota, na jakim na samoj spravie mužčyna siadzić z noŭtbukam, a kot, jaki lažyć u jaho na kalenach, hladzić na ekran.
Ałharytm vydatna (ci amal vydatna) spracavaŭ i na niekatorych inšych fota:
«Piražok i kubak dla kavy na knizie»
«Stary samazvał siadzić z travoj, što raście vakoł jaho»
«Hrupa ludziej, apranutych jak zombi, idzie pa vulicy horada»
«Mužčyna ŭ čornym pinžaku, televizar, stoł i lampa»
Inšyja prykłady pracy ałharytma možna pabačyć na sajcie Stenfardskaha ŭniviersiteta. U radku pošuku možna nabrać klučavoje słova — naprykład, pa zapycie «horse» vydaducca ŭsie fota z kaniami.
Ałharytm nie tolki apisvaje abjekty, ich ułaścivaści i ŭzajemasuviazi, ale i padbiraje najbolš imavierny varyjant apisańnia. Naprykład, siarod alternatyŭnych skazaŭ pra apošniaje fota byli «Fota televizara na jašče adnym televizary» (paznačany prahramaj jak pamyłkovy) i «Mužčyna ŭ palito siadzić sonny kala staroha partatyŭnaha televizara ŭ pakoi z bufietnym stolikam».
NeuralTalk pracuje na asnovie niejronnych sietak — tak ža, jak niadaŭni ałharytm Google, što malavaŭ fantastyčnyja karciny. Ałharytm paraŭnoŭvaje frahmienty fota z karcinkami, što «bačyŭ» raniej, a zatym źviazvaje ich słovami-dapamožnikami ŭ skaz, padobny da čałaviečaj movy.