Niejronnyja sietki napisali fantastyčnyja karciny FOTA
Hrupa daśledčykaŭ Google raspaviała ab navučańni štučnych niejronnych sietak malavańniu karcin. Niejronnyja sietki mohuć jak stvaryć karcinu z prostaha šumu, tak i apracavać tvory ludziej.
Niejronnaja sietka pracuje ŭ dziasiatak płastoŭ: adzin moža adšukać na vyjavie vuhły, inšy — krai, nastupny — sabrać detali vyjavy z abjektaŭ nakštałt budynka, dreva ci hałavy žyvioły.
Niejronnuju sietku možna paprasić znajści ŭ šumie peŭnyja abjekty albo malavać abjekty, jakim papiarednie navučyli sietku pa analizie tysiač vyjavaŭ. Albo prosta zadać advolnaje palapšeńnie vyjavy.
Naprykład, z malavańniem hanteli niejronnaja sietka nie spraviłasia — peŭna, na ŭsich fota, što joj pakazvali, hantel trymali ŭ ruce, tamu jana namahałasia damalavać da hanteli ruku. Ale spraviłasia z pošukam roznych abjektaŭ u abłokach ci pieratvareńniem dreŭ u budynki, a listoty ŭ ptušak.
Karciny možna prapuskać praz ałharytm palapšeńnia znoŭ i znoŭ. Halereja rabot niejronnaj sietki tut.
Što aznačaje zahadkavy kod R99 u pryčynach śmierci Uładzimira Makieja i Vitolda Ašurka?5
Kamientary