Nie chavajcie na fota tvar — heta biassensoŭna.
Ekśpierymientalny ałharytm łabaratoryi štučnaha intelektu Facebook navučyŭsia paznavać ludziej na fota pa ŭskosnych prykmietach, raspaviadaje New Scientist.
Facebook siońnia moža paśpiachova paznać vas pa tvary. Novy ałharytm paznaje vas i sa śpiny — analizujucca pryčoska, adzieńnie, forma cieła, pastava…
«Jość mnoha prykmiet, što my vykarystoŭvajem. Ludzi majuć charakternyja rysy, navat kali vy hladzicie na ich zzadu, — kaža Jan LeKun, načalnik łabaratoryi štučnaha intelektu Facebook. — Naprykład, vy lohka paznajecie Marka Cukierbierha, bo jon zaŭsiody nosić šeruju cišotku».
Taki ałharytm moža parušyć vašuju pryvatnaść — ludzi mohuć pabačyć vas na svaich fota ŭ tych miescach i pry tych abstavinach, kali vy nie chočacie, kab vas pabačyli. A moža i dapamahčy paźbiehnuć parušeńnia pryvatnaści. LeKun śćviardžaje, što ałharytm možna vykarystać, kab čałaviek daviedaŭsia, kali fota ź im źjaŭlajecca ŭ internecie.
Prablema pryvatnaści ludziej na fota niadaŭna pryviała da časovaj zabarony ŭ Jeŭropie novaj prahramy Facebook — Moments, što słužyć dla abmienu fatazdymkami. Jana ŭmieje paznavać ludziej na fota, ale na siońnia nie maje takoj opcyi, kab ludzi mahli admovicca ad raspaznavańnia siabie.
«Bolš za ŭsio paskudstvaŭ pryčyniaje jaŭrejonyš». Dziciačaja doktarka ź Minska šakavała antysiemickimi vykazvańniami34
Kamientary