Biełarusy źbirajuć podpisy suprać zabarony na vyjezd z krainy
U Biełarusi admianiajuć supraćkavidnyja abmiežavańni, a zabarona na vyjezd z krainy naziemnym transpartam dziejničaje bolš za hod. Hramadzianam krainy patrebnyja važnyja pryčyny dla zamiežnych pajezdak: kamandziroŭka, vučoba, lačeńnie i h.d. Biełarusy patrabujuć admianić hetuju zabaronu.
27.12.2021 / 15:01
U apošni čas u Biełarusi byli skasavanyja niekalki supraćkavidnych abmiežavańniaŭ:
admienienaja samaizalacyja dla kantaktaŭ 1-ha uzroŭniu;
chvoryja na kavid nie pavinny pradstaŭlać infarmacyju ab svaich kantaktach;
nie patrabujecca samaizalacyja dla hramadzian Biełarusi i zamiežnikaŭ, jakija pryjechali z-za miažy.
Hetyja źmieny, pavodle źviestak Ministerstva achovy zdaroŭja, pryniatyja praz palapšeńnie epidemijałahičnaj situacyi ŭ krainie i źnižeńnie ŭzroŭniu zachvorvalnaści.
Pry hetym abmiežavańnie na vyjezd z krainy naziemnym transpartam dziejničaje bolš za hod. Jaho abhruntoŭvali mienavita epidemijałahičnymi pryčynami i nieabchodnaściu baraćby z karanavirusam.
U mnohich krainach uvodzilisia abmiežavańni na ŭjezd z-za kavidu, ale nie na vyjezd.
Padpisanty lista ŭ Ministerstva achovy zdaroŭja prosiać źniać zabaronu na svabodny vyjezd z Respubliki Biełaruś.