Hod, jak biełaruskaja miaža začynienaja na vyjezd. Ci buduć pasłableńni?
Biełarusy nie mohuć svabodna vyjazdžać z krainy naziemnym transpartam z 19 śniežnia 2020 hoda. To-bok užo hod, jak hramadzianam krainy patrebnyja važnyja pryčyny dla zamiežnych pajezdak: kamandziroŭka, vučoba, lačeńnie i h.d. Kali heta źmienicca?
Žurnalisty najbujniejšaha partała, abjaŭlenaha biełaruskimi ŭładami ekstremisckim, patelefanavali na haračyja linii Dziaržpahrankamiteta i Ministerstva achovy zdaroŭja, kab daviedacca, kali čakać źmien.
U Dziaržpahrankamitecie nie viedajuć, ci buduć pasłableńni z vyjezdam. A ŭ Ministerstvie achovy zdaroŭja adkazali: «Situacyja pa śviecie dastatkova surjoznaja, i pakul što nijakich pasłableńniaŭ nie budzie. Źjaŭlajucca novyja štamy».
Pry hetym unutry krainy źmiakčajuć sanitarnyja antykavidnyja zachady — admienieny abaviazkovy masačny režym z 22 kastryčnika. Z 21 śniežnia nie patrebnaja abaviazkovaja samaizalacyja dla kantaktaŭ 1 i 2 uzroŭniaŭ. Samaizalacyi treba prytrymlivacca tolki chvorym.
«Naša Niva» ŭžo sprabavała razabracca, što staić za zakryćciom miežaŭ.
Aficyjnuju pazicyju pra zabaronu na vyjezd ahučyŭ kiraŭnik Hrodzienskaha abłvykankama Uładzimir Karanik.
«Treba razumieć, što miaža na vyjezd zakrytaja tamu, što my razumiejem, što hramadzianie, jakija vyjechali, jany viarnucca, — kazaŭ Karanik. — My heta bačyli padčas pieršaj i druhoj chvali, kali stajała pytańnie, jak chutka viarnuć z zamiežža vosiem tysiač našych turystaŭ i zabiaśpiečyć usich PŁR-testami i dynamičnym nazirańniem».
Surazmoŭcy «Našaj Nivy» vykazali mierkavańnie, što zabaronaj na vyjezd sprabujuć kantralavać adtok nasielnictva, «bo isnuje apieratyŭnaja infarmacyja ab tym, što čarha ŭ vizavyja centry dla atrymańnia humanitarnych i nacyjanalnych viz krain ES zavobłačnaja — usio raśpisana na miesiacy napierad».
«Aproč taho, zacikaŭlenyja orhany, najpierš Rada biaśpieki i KDB, u ramkach svajho paralelnaha ŭsprymańnia biaśpieki ličać, što va ŭmovach zakrytaha nieba płynia ludziej pa ziamli pry adkrytych hranicach mocna ŭzraście. Kantralavać ruch stanie ciažej, i ŭ krainu buduć pastupać «hrošy na praciah revalucyi».
A mahčymaści pahraničnaha kantrolu na ziamli nikoli nie byli zdavalniajučymi», — vykazaŭ mierkavańnie surazmoŭca.
«Vyhladaje, sprabujuć kantralavać adtok nasielnictva». Čamu ŭ Biełarusi da hetaha času nie admianili zabaronu na vyjezd
«Aznačeńnie Biełarusi jak vypalenaj ziamli mnie nie padabajecca». Manałoh biełarusa, jaki niadaŭna źjechaŭ z krainy9
Kamientary