Беларускія партызаны ўзялі адказнасць за дыверсіі на чыгунцы ў прыгранічных абласцях Расіі
15.04.2022 / 11:38
У відэазвароце прадстаўнікі руху «Супраціў» сцвярджаюць, што правялі на тэрыторыі Смаленскай і Бранскай абласцей некалькі паспяховых дыверсій з мэтай ускладнення і спынення руху расійскіх саставаў з вайсковай тэхнікай.
«Супраціў» паведамляе, што знішчаныя прылады сігналізацыі, цэнтралізацыі і блакіроўкі.
Прадстаўнікі руху абяцаюць новыя «ўдары ў іншых раёнах Расіі».
Пасля нападу Расіі на Украіну ў Беларусі распачалася «рэйкавая вайна». Беларусы выводзілі з ладу інфраструктуру чыгункі, па якой перавозілі расійскую вайсковую тэхніку. Дзясяткі людзей затрыманыя, у некаторых стралялі на паражэнне.