За апошні час на інфраструтуру Беларускай чыгункі здзейснена больш за 80 тэрактаў, расказалі ў сюжэце на БТ, прысвечаным «актам тэрарызму і сабатажу» на чыгунцы.
Паведамляецца, што ход расследавання знаходзіцца на кантролі ў Лукашэнкі, а справы, у якіх бачыцца ўзаемасувязь, аб'ядноўваюцца ў адну вялікую справу.
Нагадаем, што за мінулы месяц было затрымана каля 40 чалавек па падазрэнні ў дыверсіях на чыгунцы. Учора МУС апублікавала кадры затрымання трох жыхароў Бабруйска, якія ўчынілі дыверсію 28 сакавіка ў Асіповіцкім раёне, і мужчыны, датычнага да дыверсіі ў Барысаўскім раёне.
Цэлы шэраг актаў сабатажу на чыгунцы Беларусі быў здзейснены на заклік супольнасці «Байпол», якая яднае афіцэраў — праціўнікаў дыктатуры, пасля таго як Расія з тэрыторыі Беларусі напала на Украіну. Па чыгунцы перавозяць расійскую вайсковую тэхніку, а таксама боепрыпасы, якія выкарыстоўваюцца для абстрэлаў украінскіх гарадоў і пазіцый украінскай арміі.
На некаторых перагонах былі спаленыя рэлейныя шафы, на іншых — замкнулі дротам рэйкі, тым самым вывелі з ладу сігналізацыю. Пад Стоўбцамі сям'я выцягнула на рэйкі бярвёны. Гэтыя акцыі запавольваюць рух цягнікоў на некаторы час, але не ўплываюць на бяспеку руху.
Пасля гэтага стала вядома пра арышт у розных рэгіёнах Беларусі трох дзясяткаў чыгуначнікаў, звязаных з падполлем.
Акрамя таго, Камітэт дзяржаўнай бяспекі Беларусі і ГУБАЗіК, структура Міністэрства ўнутраных спраў, якая выконвае функцыі палітычнай паліцыі, за апошнія тыдні арыштавала некалькі дзясяткаў людзей у Мазыры і раёне, у Светлагорску і раёне, у Баранавічах, Стоўбцах і ў Дзяржынску. Мэтай затрыманняў быў пошук людзей, якія рыхтавалі акты сабатажу на чыгунцы або перадавалі ў незалежныя СМІ і тэлеграм-каналы інфармацыю аб перамяшчэнні расійскіх войскаў ці пусках ракет па Украіне.
Стала таксама вядома, што частку сілавікоў, якія займаліся падаўленнем руху за грамадзянскія правы, а таксама байцоў унутраных войскаў, перакінулі на ахову чыгункі.
Ва Украіне весткі пра дыверсіі на беларускай чыгунцы грамадская думка прыняла з вялікай удзячнасцю.
Расія напала на Украіну 24 лютага, у тым ліку з тэрыторыі Беларусі. Гэтае грубае парушэнне міжнароднага права было асуджанае Генеральнай асамблеяй ААН 140 галасамі супраць пяці, сярод гэтых пяці і Беларусь.
У выніку агрэсіі загінулі ўжо дзясяткі тысяч вайскоўцаў з абодвух бакоў, а таксама мірных жыхароў. На акупаваных тэрыторыях адбываюцца сапраўдныя зверствы, іх маштаб стаў вядомы пасля разгрому расійскіх войскаў пад Кіевам.
Згодна з міжнародным правам, Беларусь лічыцца саўдзельніцай агрэсіі, бо прадаставіла сваю тэрыторыю для вядзення вайны.
Чытайце таксама:
Поўная карта дыверсій на беларускай чыгунцы
Што вядома пра хлопцаў, затрыманых са стралянінай за дыверсіі на чыгунцы?
«Па супрацоўніках працуе непасрэдна КДБ». Падрабязнасці затрыманняў на чыгунцы
Цяпер чытаюць
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам23
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2424
Каментары