Z Russia zrabiŭ Belorussia. Mastak Alaksiej Kuźmič zładziŭ novuju dziorzkuju akcyju VIDEA
Biełaruski mastak, viadomy svaimi akcyjami, u piatnicu źjaviŭsia kala paviljona Rasii na 59-aj Vieniecyjanskaj bijenale ŭ vobrazie «załatoha dzikuna», damalavaŭ da słova Russia na budynku nadpis Belo i pakazaŭ nacysckaje vitańnie.
23.04.2022 / 10:35
Akcyja mastaka nazyvajecca «TranSSSRviersija: dalikates dla adukavanaha jedaka, abo Kanjunktura». U sacsietkach Alaksiej Kuźmič apublikavaŭ padrabiaznaje jaje apisańnie i svaje fota «ŭ vobrazie».
Viadoma, što mastaka zatrymali.
U 2019 hodzie vystavu Kuźmiča ŭ Minsku adcenzuravali. Tady jon najeŭsia vijahry i pryjšoŭ z šyldaj Minkulta pryčynnym miescy. 9 žniŭnia 2020 hoda, u dzień prezidenckich vybaraŭ, mastak pryjšoŭ na ŭčastak u nabiedranaj paviazcy i ź biuleteniem z namalavanym faličnym simvałam. Uviečary jon paŭtaryŭ hetuju ž akcyju na vulicy pierad AMAPam. Paśla byŭ vymušany źjechać ź Biełarusi.
Letaś akcyjanist Kuźmič sprabavaŭ zaleźci ŭ Jelisiejski pałac u Paryžy z butelkaj, jaho zatrymali