«Vyrašeńnie hetych pytańniaŭ ad jeparchii nie zaležyć». Dzie ŭsio ž pomnik Łarysie Hienijuš?
Błoh «Ludzi» pasprabavaŭ daviedacca, što ŭsio-taki stała ź biustam Łarysie Hienijuš, jaki dniami niečakana źnik z terytoryi Zelvienskaj carkvy, dzie stajaŭ 20 hadoŭ. U Hrodzienskaj jeparchii adkazali, što «pomnik znachodzicca ŭ nadziejnym miescy».
03.04.2023 / 21:11
U Hrodzienskaj jeparchii błohu «Ludzi» raspaviali, što na hety momant biust Łarysie Hienijuš demantavany. A taksama adznačyli: «Sam pomnik znachodzicca ŭ nadziejnym miescy».
«Pakolki Hrodzienskaja jeparchija dačynieńnia da demantažu nie maje, adpaviedna, u nas niama infarmacyi, kali jon vierniecca na svajo miesca i ci vierniecca, — rastłumačyli ŭ jeparchii. — Vyrašeńnie hetych pytańniaŭ ad jeparchii nie zaležyć».
Raniej hazieta «Narodnaja vola» paviedamlała, što biust nibyta znachodzicca na zachoŭvańni ŭ samoj Zelvienskaj carkvie. Ale datelefanavacca tudy žurnalistam pakul nie ŭdałosia.
Čytajcie taksama:
Łarysa Hienijuš: čamu jana nie złamałasia
Unuk Łarysy Hienijuš: Heta zrabili ŭnočy pacichu, kab nichto nie bačyŭ, nie viedaŭ