Źjaviłasia fota demantažu pomnika Hienijuš u Zelvie
«Narodnaja Vola» apublikavała fota demantažu pomnika paetcy Łarysie Hienijuš kala pravasłaŭnaj carkvy ŭ Zelvie. Na im vidać, što biust z pastamienta zdymali ludzi ŭ kamunhasaŭskaj uniformie.
05.04.2023 / 09:32
Fota: «Narodnaja Vola»
«A kamunalnaja haspadarka ŭ Zelvie (jak i paŭsiul) padparadkoŭvajecca vykankamu, — piša vydańnie. — Značyć, miascovaja vykanaŭčaja ŭłada ŭsio ž mieła dačynieńnie da haniebnaj akcyi».
Pra toje, što pomnik Hienijuš źnieśli, stała viadoma 30 sakavika.
U rajvykankamie pierakonvali, što nie viedajuć, kudy padzieŭsia pomnik, ale raili nie šukać jaho i nie vykuplać.
«Navat nie mučciesia. Pomnik znachodzicca va ŭłaśnika, i jon nie płanuje rabić zachady pa jaho prodažy. Ja dumaju, kali jon va ŭłaśnika, to jon patrebny ŭłaśniku», — davodziła žurnalistam čynoŭnica.
Unuk Łarysy Hienijuš: Heta zrabili ŭnočy pacichu, kab nichto nie bačyŭ, nie viedaŭ