U Navahrudskim rajonie lehkavik urezaŭsia ŭ dom, jość achviary
U vioscy Staryja Niahnievičy Navahrudskaha rajona ŭ DTZ zahinuli dvoje mužčyn 45 i 37 hadoŭ, paviedamlaje pres-słužba MUS Biełarusi.
08.04.2023 / 18:39
Trahiedyja adbyłasia kala 15:10. 41-hadovaja kiroŭca Ford paśla abhonu nie spraviłasia z kiravańniem i źjechała ŭ pravy kiuviet, dzie ŭlacieła spačatku ŭ słup, a zatym u žyły dom.
Dva pasažyry — 45-i 37-hadovyja mužčyny — zahinuli. Kiroŭca, a taksama 46-hadovaja i 12-hadovaja pasažyrki dastaŭlenyja ŭ balnicu.
Na miescy zdareńnia pracuje śledča-apieratyŭnaja hrupa i supracoŭniki DAI. Pavodle infarmacyi Śledčaha kamiteta, zaviedzienaja kryminalnaja sprava pa č. 3 art. 317 ab parušeńni pravił darožnaha ruchu, što paciahnuła pa nieaściarožnaści śmierć dvuch čałaviek.
Čytajcie taksama:
U Miorskim rajonie piacihadovaja dziaŭčynka pravaliłasia ŭ zatopleny padvał i zahinuła
Žychar Karmy išoŭ pieššu dadomu i zahruz u hrazi. Jaho vyciahvali ratavalniki