Za tydzień ź Biełarusi pajechała piać ešałonaŭ z rasijskimi «mobikami» — «Supolnaść čyhunačnikaŭ»
Ciaham hetaha tydnia była zaŭvažana pieradysłakacyja mabilizavanych rasijskich vajskoŭcaŭ, jakija prachodzili padrychtoŭku na palihonach Biełarusi, paviedamlaje «Supolnaść biełaruskich čyhunačnikaŭ».
07.07.2023 / 22:29
Fota ilustracyjnaje
Vajskovyja ešałony adpraŭlalisia ź Biełarusi ŭ Varoniežskuju vobłaść.
Tak, naprykład, 5 lipienia sa stancyi Pałonka pad Baranavičami na stancyju Masłaŭka ŭ Liskinskim rajonie Varoniežskaj vobłaści byŭ adpraŭleny vajskovy ešałon №961, u składzie jakoha znachodziłasia 43 vahony (piać pasažyrskich na pryblizna 250 čałaviek), čatyry krytyja (z ryštunkam), 34 vahona-płatformy (z pahružanaj vajskovaj technikaj). Prybyć na miesca hety ciahnik mieŭ 7 lipienia.
Akramia hetaha ešałona, na hetym tydni ŭ toj ža rehijon nakiravałasia jašče čatyry ciahniki: 3 lipienia z toj ža Pałonki i sa stancyi Lasnaja pad Baranavičami, a 4 lipienia — z Asipovičaŭ i Ivacevičaŭ.
Čytajcie taksama:
Minabarony raskazała, dla kaho stvarajecca łahier pad Asipovičami