Польскія памежнікі апублікавалі ВІДЭА, як мігранты пралазяць з Беларусі праз дзірку ў плоце
Польская памежная служба паказала відэа, на якім мігрант спрабуе трапіць у Польшчу з беларускай тэрыторыі праз пашкоджаны плот. Польскія памежнікі спынілі яго спробу.
12.08.2023 / 17:36
«Электронныя сігналы, якія паступаюць у цэнтр назірання, дазваляюць аператарам хутка накіроўваць памежныя нарады ў месцы спроб незаконнага перасячэння мяжы і эфектыўна затрымліваць людзей. Пашкоджанні бар'ера пастаянна папраўляюцца», — такім каментаром суправаджаецца запіс.
За мінулыя суткі ў Польшчу з боку Беларусі спрабавалі трапіць 106 чалавек, у тым ліку грамадзяне Конга і Эрытрэі. На ўчастку Дубічы Царкоўныя група з 40 іншаземцаў спрабавала прабіцца праз мяжу. Паведамлялася, што ў аднаго з іх быў нож, мігранты кідалі камяні. На месца здарэння быў накіраваны аўтамабіль «Тайфун» з вадамётамі.
Чытайце таксама:
Польскую мяжу з боку Беларусі парушаюць мігранты з расійскімі візамі
Польскія памежнікі заявілі пра шматлікія напады на іх з Беларусі