Мінабароны Польшчы накіруе на ўзмацненне межаў 10 тысяч вайскоўцаў. Пра гэта ў эфіры Польскага радыё заявіў кіраўнік ведамства Марыюш Блашчак. Паводле яго слоў, 4 тысячы вайскоўцаў будуць непасрэдна падтрымліваць памежную ахову, яшчэ 6 тысяч будуць знаходзіцца ў рэзерве, піша Reform.by.
«Мусім быць гатовыя да розных сцэнароў. Не выключаем ніводнага з іх. Для гэтага наважыліся перакінуць войскі бліжэй да беларускай мяжы, каб узмацніць мяжу, адпудзіць агрэсара, каб агрэсар не адважыўся атакаваць Польшчу», — сказаў ён.
«Гэтая прысутнасць будзе ў колькасці больш-менш такой жа, як была, калі даходзіла да атакі [мігрантаў] у 2021 годзе. Гэта будзе каля 10 тысяч салдат. 4 тысячы жаўнераў — гэта будуць жаўнеры, якія будуць непасрэдна ўдзельнічаць у аперацыі, што тычыцца падтрымкі памежнай аховы на мяжы. І 6 тысяч будзе ў тыле. Гэта будуць салдаты, якія будуць удасканальваць свае навыкі ў гарнізонах, адкрытых на ўсходзе нашай краіны», — дадаў міністр.
На гэтым тыдні памежная ахова Польшчы запрасіла ў Мінабароны дадатковую тысячу вайскоўцаў для ўзмацнення мяжы. У адказ Міністэрства вырашыла накіраваць 2 тысячы.
Раней паведамлялася, што польскі кантынгент на мяжы з Беларуссю складае каля 7,5 тысяч служачых, у тым ліку каля 5 тысяч памежнікаў, 2 тысячы вайскоўцаў і паўтысячы паліцэйскага спецназа.
23‑гадовага афіцэра брыгады спецназа асудзілі на 19 гадоў за «здраду дзяржаве»17
23‑гадовага афіцэра брыгады спецназа асудзілі на 19 гадоў за «здраду дзяржаве»
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў88
Каментары