Польскія памежнікі ў аўторак, 25 ліпеня, заявілі пра шматлікія атакі на іх з тэрыторыі Беларусі. Пра гэта ў твітары напісала Памежная служба Польшчы, якая таксама апублікавала відэа.
Як сцвярджаюць памежнікі, мужчынам з боку Беларусі, якія мелі намер нелегальна перасекчы мяжу, не спадабалася, што мяжа ахоўваецца і на іх шляху, акрамя тэхнічнага бар'ера, стаяць польскія патрулі. Як сказана ў паведамленні, «людзі з беларускага боку кідаюць каменне, галлё ў афіцэраў і салдат» Польшчы.
«Беларускія службы, якія калісьці былі адказныя за ахову мяжы, удзельнічаюць у арганізацыі і заахвочванні нелегальных перасячэнняў мяжы», — адзначаецца ў паведамленні.
Na granicy dochodzi do licznych ataków na polskie służby.Osoby po białoruskiej stronie rzucają w funkcjonariuszy i żołnierzy kamieniami,konarami drzew. Służbykiedyś odpowiedzialne za ochronę granicy zajmują się organizowaniem i zachęcaniem do jej nielegalnego przekraczania pic.twitter.com/oIkPEaH41a
Паводле слоў польскіх памежнікаў, іх беларускія калегі «паказваюць на зручныя месцы для нелегальнага перасячэння мяжы», а таксама «даюць абсталяванне для прарыву праз памежную ахову для замежнікаў, якія не шукаюць міжнароднай абароны ў Польшчы».
«Цэгла, брук, друз, што выкарыстоўваюцца падчас нападаў, не выпадкова знаходзяцца каля шлагбаума, іх пастаўляюць беларускія службы, а дзеянні тых, хто спрабуе перасячы мяжу насуперак дзейным правілам, пагражаюць жыццю і здароўю афіцэраў», — таксама гаворыцца ў паведамленні.
На працягу нядзелі, 23 ліпеня, нелегальныя мігранты, якія спрабавалі прарвацца з Беларусі на тэрыторыю Польшчы, нібыта шэсць разоў агрэсіўна атакавалі польскіх памежнікаў.
Цяпер чытаюць
Пра што маўчыць Аляксей Францкевіч, якому Польшча закрыла ўезд на 10 гадоў42
Каментары