Выйшаў на волю Андрэй Скурко
Цалкам адбыўшы прысуджаныя яму 2 з паловай гады зняволення, са шклоўскай калоніі сёння, 18 жніўня, вызваліўся колішні супрацоўнік «Нашай Нівы» Андрэй Скурко. Пра гэта ў сацыяльных сетках паведаміла ягоная жонка Паўліна.
18.08.2023 / 17:47
Андрэя Скурко затрымалі 8 ліпеня 2021 года. У сакавіку 2022-га яго прызналі вінаватым паводле ч. 2 арт. 216 Крымінальнага кодэкса і прысудзілі да 2,5 гадоў пазбаўлення волі ў калоніі агульнага рэжыму.
На волі Андрэя чакалі жонка Паўліна і маленькі сынок Тамашык. Для яго ён увесь час зняволення пісаў дзіцячыя вершы, якія склалі аснову зборніка «Пра сланоў і барсучкоў», выдадзенага ў мінулым годзе. Таксама за кратамі Скурко пераклаў «Доктара Айбаліта» Карнея Чукоўскага, які стаў беларускім «Доктарам Будзь-Здароў». Гэты пераклад таксама нядаўна выйшаў друкам.
Чытайце таксама: