Lavon Volski anansavaŭ novy muzyčny prajekt pra biełarusaŭ u emihracyi
14 vieraśnia Lavon Volski abiacaje vypuścić novy prajekt — «Emihranty». A ŭ kastryčniku pajedzie ź im u tur. Pakul u raskładzie — tolki Polšča.
22.08.2023 / 08:30
Jak piša Volski, ideja vyśpiavała daŭno i «vynikaje ź ciapierašniaj rečaisnaści sama saboj». «Emihranty» — novy prajekt, jaki ŭjaŭlaje ź siabie nizku z 21 pieśni pra žyćcio biełarusaŭ u emihracyi.
U prajekcie hieroi vandrujuć pa śviecie, uładkoŭvajucca na novych miescach, pierajmajucca, sumujuć, telefanujuć rodnym u Biełaruś, pryhadvajuć byłoje i spadziajucca na viartańnie.
U prajekcie ŭziali ŭdzieł: Pavał Mamonaŭ, Aleś-Francišak Myškievič, Pavał Arakielan, Ketevan, Pavał Trypuć, Poznański Śpieŭny Schod i strunnaja smyčkovaja hrupa Warsaw Freedom Orchestra.
Reliz prajekta zapłanavany na 14 vieraśnia 2023 hoda.
Z nahody novaha prajekta projdzie vialiki prezientacyjny kancert u Varšavie i tur pa Polščy.
19.10 — Varšava, Proxima
23.10 — Hdańsk, Drizzly Grizzly
24.10 — Poznań, Pod Minogą
25.10 — Urocłaŭ, Stary Klasztor
27.10 — Krakaŭ, Gwarek
31.10 — Biełastok, 6-ścian
Kvitki ŭžo ŭ prodažy.
Čytajcie taksama: