Хакеісты ЦСКА выйшлі на размінку ў форме з літарай Z і эмблемай батальёна «Эспаньёла», які ваюе ва Украіне
Cімвалічнае ўкіданне шайбы перад матчам зрабіў камандзір батальёна з пазыўным «Іспанец».
02.09.2023 / 11:23
Фота: тэлеграм-канал ХК ЦСКА
Хакеісты маскоўскага ЦСКА выйшлі на раскатку перад матчам новага сезона КХЛ з «Ак Барсам» у форме з літарай Z і элементамі эмблемы батальёна «Эспаньёла», сфармаванага з футбольных фанатаў і які ўдзельнічае ў вайне ва Украіне, піша «Медуза».
Матч адбыўся 1 верасня ў Маскве. Пра тое, што ЦСКА вырашыў падтрымаць батальён, гаворыцца ў афіцыйным тэлеграм-канале клуба.
Cімвалічнае ўкіданне шайбы перад матчам зрабіў камандзір батальёна з пазыўным «Іспанец».
Батальён «Эспаньёла» звязаны з былым памочнікам прэзідэнта РФ Уладзіславам Сурковым і «Адзінай Расіяй».
У матчы таксама ўзяў удзел брамнік ЦСКА Іван Фядотаў. За гэта Міжнародная федэрацыя хакея (IIHF) аштрафавала федэрацыю хакея Расіі (ФХР) на пяць тысяч швейцарскіх франкаў. Гэта звязана з тым, што IIHF стала на бок клуба НХЛ «Філадэльфія Флайерз» у спрэчцы з ЦСКА з нагоды правоў на Фядотава — амерыканскі клуб перанёс тэрмін дзеяння яго кантракту з сезона-2022/23 на сезон-2023/24 праз службу хакеіста ў войску.
Чытайце таксама:
Алекс Гальчанюк, які са скандалам пакінуў НХЛ, будзе гуляць за пецярбургскі СКА
Малады беларускі брамнік падпісаў кантракт з камандай НХЛ
Адразу пяць беларусаў былі абраныя на драфце НХЛ — 2023. Гэта рэкорд