21-гадовы галкіпер мінскага «Дынама» Аляксей Коласаў падпісаў трохгадовы кантракт з «Філадэльфіяй Флаерз» з Нацыянальнай хакейнай лігі, як паведамляе BYsport.
Паводле пагаднення з «лётчыкамі», базавы аклад Аляксея складзе 832,5 тысячы даляраў. Яшчэ 92,5 тысячы прадугледжаны ў якасці бонусаў. У выпадку высылкі ў фарм-клуб гадавы заробак паменшыцца шматкроць да 80 тысяч.
Ці будзе гуляць Коласаў у «Філадэльфіі», пытанне. Ён не раз заяўляў, што хоча працягнуць кар'еру ў «Дынама». Агент хакеіста Алёша Пілко паведаміў, што ягоны кліент «пачне і скончыць сезон у складзе мінскага «Дынама».
Таксама ў клубе заяўляюць, што «Філадэльфіі» пакуль не патрэбны прыезд Коласава. Ён можа працягваць развіваць сваю гульню ў КХЛ, а «Флайерз» могуць проста пазычыць яго назад у яго каманду, і ён тады сапраўды дэбютуе на прафесійным узроўні ў наступным сезоне.
Апроч таго, расіянін Іван Фядотаў, які прапусціў сезон-2022/23 праз службу ў войску, учора падпісаў кантракт на два гады з ЦСКА і не збіраецца гуляць за «лётчыкаў».
Але калі Аляксей Коласаў загуляе за «Філадэльфію», ён стане 15-м беларускім хакеістам у галоўнай хакейнай лізе свету з 1992 года. У мінулым сезоне ў НХЛ гулялі Ягор Шаранговіч («Нью-Джэрсі»), Аляксей Протас («Вашынгтон») і два матчы за «Арызону» правёў Уладзіслаў Калячонак.
Цяпер чытаюць
57‑гадовую ўраджэнку Вінніцы асудзілі за каментары ў тэлеграме. Сябе яна называла «ўкраінкай з акупаванага Мінска»2
Каментары