«Naviazvańnie zachodnich libieralnych kaštoŭnaściaŭ». Sierhiejenka patłumačyŭ, čamu z vulic prybrali łacinku
Da kanca hoda na daručeńnie Łukašenki z najmieńniaŭ tapahrafičnych abjektaŭ źniknie łacinka. Heta zajaviŭ kiraŭnik Administracyi Łukašenki Ihar Sierhiejenka padčas respublikanskaj navukova-praktyčnaj kanfierencyi «Dziaržaŭnaja palityka ŭ śfiery historyi: prablemy i pierśpiektyvy zachavańnia histaryčnaj praŭdy i pamiaci».
14.09.2023 / 12:13
Ihar Sierhiejenka raspavioŭ, što «kiraŭnikom dziaržavy daručana ŭradu vyklučyć praktyku prymianieńnia łacinki ŭ najmieńni vulic i tapahrafičnych abjektaŭ i vykarystoŭvać tolki dziaržaŭnyja movy».
Jon dadaŭ, što zroblena heta praz zvaroty «nieabyjakavych hramadzian», jakija tut «ubačyli naviazvańnie zachodnich libieralnych kaštoŭnaściaŭ i kulturnych tradycyj».
Za admienu biełaruskaj łacinki ŭ tranślitaracyi hieahrafičnych nazvaŭ zmahalisia prarasijskija aktyvisty na čale z Volhaj Bondaravaj. Naprykancy 2022 hoda stała viadoma, što ŭłady pryniali rašeńnie admovicca ad łacinki.
Čytajcie taksama:
«Vyvieści z užytku». Łukašenkaŭcy vyrašyli rusifikavać i tranślitaracyju hieahrafičnych nazvaŭ